აღდგომის ღამეს გადაადგილებაზე დაწესებული შეზღუდვა ცვლილებით იმოქმედებს. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა.
„საქართველოს საპატრიარქოსთან კომუნიკაციის შედეგად, სადღესასწაულო ლიტურგია ტაძრებში ეპიდემიური უსაფრთხოების ნორმების მაქსიმალური დაცვით ჩატარდება. მათ შორის, ტაძრებში უზრუნველყოფილი იქნება გახმოვანების სისტემა, დაცული იქნება სოციალური დისტანცია და პირბადის მოხმარების წესი. ამასთან, გამონაკლისის სახით, სააღდგომო ლიტურგიასთან დაკავშირებით, გადაადგილებაზე დაწესებული შეზღუდვაში ცვლილებაა, მხოლოდ 1 დღით, გადაადგილების შეზღუდვა იმოქმედება 1-ლი მაისის 23:00 საათიდან 2 მაისის 04:00 საათამდე“, – განაცხადა ღიბრაძემ.
კომენტარები