“ვიცი რამდენად იყო შეფასებული ჩემი სიცოცხლე” – გაბუნია ქილერების ჯგუფზე საუბრობს

როდის დაიგეგმა სპეცოპერაცია დაქირავებული მკვლელის დასაკავებლად და როდის შეამჩნია გიორგი გაბუნიამ, რომ მას უთვალთვალებდნენ – ამ და სხვა დეტალებზე „მთავარი არხის“ ჟურნალისტმა ტვ პირველი ეთერში ისაუბრა:

„მეც საინფორმაციო გამოშვებიდან გავიგე, რომ უკრაონაში მოხდა თურმე პირველად დაკავება აპრილში და შემდეგ გახდა ცნობილი, რომ თურმე მილიონი ღირებულა ჩემი სიცოხლე და ამ ადამიანს თურმე თანხაც კი ჰქონდა უკვე აღებული, რომ ჩემი ლიკვიდაცია მომხდარიყო.

მე ვვარაუდობ, რომ რადგან სპეცსამსახურია ჩართული, ალბათ ოფიციალურად გადმოუგზავნიდნენ ქართულ მხარეს ამ ინფორმციას. ცხადია, ტელეფონით არ ისაუბრებდნენ. ეს არ იყო ორ დღეში დაგეგმილი სპეცოპერაცია, ეს თვეები გრძელდებოდა. ალბათ ყველაფრის გამოქვეყნება არ შეიძლება, მაგრამ როგორც მინიმუმ, იმის თქმა არის საჭირო, თუ რა ხდება ქვეყანაში.

თუ გვარამიას მიერ გავრცელებული ინფორმაცია არის სრულიად მცდარი, ჩემზე თუ არ ზრუნავენ, ხალხს ხომ მაინც უნდა უთხრან, რომ ნუ გეშინიათ, ყველაფერი არის კარგად.

დაცვამ შეამჩნია, ჩემზე თვალთვალი და სწორედ ამიტომ მოხდა დაცვის გაძლიერება. დაცვა ხედავდა, რომ ჩემს სახლთან მუდმივად იდგა რამდენიმე მანქანა. სახლთან რამდენიმე გასასვლელია და ყველგან იდგა. იყო საეჭვო მანქანები და მუებნებოდნენ, რომ მითვალთვალებდნენ. იღებდნენ სურათებს და ა.შ.

იყო თუ არ ამ ოპერაციის განხორციელებაში სხვა ადამიანები ჩართული, არ ვიცი, თუმცა, შეუძლებელია მას მარტო ემოქმედეა.

ის ადამიანები, ვინც ჩემს სახლთან ტრიალებდნენ, არ ვიცი ვინ იყვნენ, იყო ეს უკვე სუსი, ქართული მხარე თუ ქილერების ჯგუფი, თუმცა ფაქტია თვალთვალი მიდიოდა“