“ვისაც რუსების ძლიერების დღემდე გჯერათ, თქვენთვის ცუდი ამბავი მაქვს – ერთკვირიანი კოშმარი გარანტირებული გაქვთ” – გიორგი თავდგირიძე

თავდაცვის სამინისტროზ ყოფილი თანამშრომელი, საზოგადოებრივი მოძრაობა “ფარის“  თანადამფუძნებელი, პოლკოვნიკი გიორგი თავდგირიძე:

ვისაც რუსების ძლიერების დღემდე გჯერათ, (ვისი სილაჩრის გამოც ოცნება ჯერ კიდე ხელისუფლებაშია), თქვენთვის ცუდი ამბავი მაქვს. რაკი თქვენ რუსეთის მუქარას სერიოზულად აღიქვამთ ხოლმე, ერთკვირიანი კოშმარი გარანტირებული გაქვთ.

ამბავი კი ჩვეულებრივი რუსულია, ნატო-ს სწავლების გამო შეურაცხყოფილი რუსები გესლს ანთხევენ. როგორც ერთი, ყველას პოზიცია თანხმდება, საქართველოს არ გამოუვა ორ სკამზე ჯდომა, ამიტომ საქართველო უნდა დაისაჯოს. უნდა დაისაჯოს და მალე დაისჯება, უპრეცედენტო დასჯა აქვთ მომზადებული ( ამას თვითონ ამბობენ ), რომელიც ძალიან მოულოდნელი და გასაოცარი იქნება თავისი ბრუტალურობით და შედეგის სისასტიკით ( აქ ექიდნურად იღიმებიან და წინასწარ ტკბებიან დასჯილი ქართველების ტანჯვით ).

თავის აღშფოთებას იმით ასაბუთებენ, რომ ნატო-ს მოსატყუებელი კბილი დიდი ხანია მოვიცვალეთო, დღეს სწავლებას გამართავსო, ხვალ დროებით დაყოვნდება და მერე ნატო-ს ბაზას წამოჭიმავსო ( ნუ ახლა, ამ შეფასებაში ვეთანხმები ). არ უნდა დავუშვათ ნატოს სამხრეთ რკინის სარტყელი რუსეთის ირგვლივო ( ამაშიც მართლები არიან, ნატო მოქმედებს როგორც გარდაუვალი ომის საფრთხეს შეეფერება და სტრატეგიულ პოზიციებს იკავებბს რუსეთის წინააღმდეგ ).

რაც შეეხება მუქარებს, ერთია რას იგესლებაიან რუსი ბლგერ-პროპაგანდისტები ( თუმცა ოფიციალური განცხადებაც მალე იქნება ), მეორეა რა შეუძლიათ. დღეს რუსეთს, საქართველოს წინააღმდეგ არც ომი შეუძლიათ და არც ეკონომიკური სანქციები. ამიტომ, ალბათ, ბოლოში ან ატმის შეტანას აკრძალავენ, ან ძმარის. თუმცა არ გამოვრიცხავ, ოცნების ლიდერებს, რუსმა მრჩევლებმა ერთი ორი პანღური მოსცხონ კაბინეტებში სადაც სახლობენ და ყურიც აუწიონ, მაგრამ ეს მათი შიდა გარჩევებია, პატრონყმური და ჩვენ მანდ არაფერი გვესაქმება.

როგორც ველოდებით, მტკიცე სულის შემდეგ, ნობელპარტნერი ( ღირსეული პარტნიორი 2025 ) გაიმართება, კიდე უფრო მრავალეროვნული და მაშტაბური. რაც რუსების შეშფოთების რეალურობას ამტკიცებს. ფაქტიურად საქართველოში ნატო-ს პერმანენტური სწავლებები იქნება და საქართველოს, სომხეთის და აზერბაიჯანის უსაფრთხოება მყარად იქნება გარანტირებული. ამას თუ დავუმატებთ, რომ უკრაინის რუსეთზე საბრძოლო ზეწოლის ზრდის დინამიკა ძალიან მაღალია, ხოლო აშშ-ი აგრძელებს ეფექტურ დარტყმებს რუსეთის და მისი მოკავშირეების ეკონომიკაზე, რუსეთი საქართველოს წინააღმდეგ დაგეგმილ ატმების ომსაც კი წააგებს.

ოცნებას რაც შეეხება, ამ შემოდგომას მოგხედავთ, თქვენც დაგასვენებთ და საქართველოსაც თქვენგან.