აჭარის პოლიციის დეპარტამენტის დირექტორი, გრიგოლ ბესელია ოპოზიციისა და სამოქალაქო აქტივისტების ინფორმაციით, აჭარის რეგიონში “ქართული ოცნების” მთავარი დასაყრდენია. სწორედ მან დააკავა ჟურნალისტი მზია ამაღლობელი საპროტესტო სტიკერი გაკვრისთვის.
ტვ პირველის ცნობით, ვიდრე ივანიშვილის რეჟიმის ფავორიტი პოლიციელი გახდებოდა, ის ვანო მერაბიშვილის რჩეული იყო.
გრიგოლ ბესელიას გვარმა გაიჟღერა 2009 წელის 15 ივნისს, დიღომში პოლიციის სამმართველოსთან მომხდარი დაპირისპირების საქმეში – მაშინდელი ოპოზიციის წინააღმდეგ სამართალდამცველმა გადამეტებული ძალა გამოიყენეს და არა ერთ მომიტინგე სცემეს.
მედიის ინფორმაციით, დიდი სკანდალი შემდეგ, ხელისუფლება იძულებული გახდა, შინაგან საქმეთა სამინისტროს 9 თანამშრომლის წინააღმდეგ გამოძიება დაეწყო. წლების შემდეგ ეს საქმე ივანიშვილის პროკურატურამ გადმოიბარა, თუმცა საქმის მასალებიდან არსად ჩანს ბესელიას გვარი.
ქონება:
შაბათის ეთერის” ინფორმაციით, ფარნავაზ მეფის ცხრა ნომერში, მდებარე ორ სართულიანი ტყუპი სახლებიდან ერთ-ერთი, პროევროპული დემონსტრაციების დარბევასა და ხალხის უკანონო დაკავებაში მხილებულ, აჭარის პოლიციის სკანდალში გახვეულ უფროსს გრიგოლ ბესელიას ეკუთვნის.
ეს მაშინ, როცა ბესელიას ქონებრივი დეკლარაციის მიხედვით, ის უსახლკაროა, არ აქვს მანქანა და მისი 6800 ლარიანი ხელფასით, ყოფილი მეუღლის სახელზე რეგისტრირებული ბინის სესხს იხდის.
თბილისის მერიის არქიტექტურის სამსახურში ორ სართულიანი სახლის მშენებლობის დამკვეთად გრიგოლ ბესელია ფიგურირებს.
საინფორმაციო დაფაზე ფოტოსურათები 2021 წლის 25 აგვისტოთი თარიღდება. ამ დროს მიწა ოფიციალური მონაცემებით, გრიგოლ ბესელიას ბიძაშვილის, გიორგი წეროძის საკუთრებაა, თუმცა საინფორმაციო დაფაზე წერია, რომ სახლის მშენებლობის დამკვეთი აჭარის პოლიციის შეფი გრიგოლ ბესელიაა. მიწის გამყიდველიც “შაბათის ეთერს” უდასტურებს, რომ მოლაპარაკებები ვახტანგ გომელაურის მარჯვენა ხელთან ჰქონდა.
ორ სართულიანი თეთრი სახლი, შავი ალუმინის ვიტრაჟებით, შინაგან საქმეთა სამინისტროს მაღალჩინოსნის პენსიონერი დედის სახელზეა გაფორმებული. ოფიციალური მონაცემებით, ბესელიას მშობლებს ბიზნესი არ აქვთ. მათი ერთადერთი შემოსავალი სახელმწიფოსგან დანიშნული პენსიაა.
გრიგოლ ბესელიას მამამ, პოლიციის პოლკოვნიკმა არ უარყო, რომ ამ ორ სართულიანი სახლის მფლობელი მისი ვაჟია, სახლის მშენებლობისთვის, რემონტისთვის, მოწყობისთვის ფული გრიგოლ ბესელიამაც ჩადო.
საჯარო მოხელე ვალდებულია, დეკლარაციაში ასახოს არა მხოლოდ მისი ქონება, არამედ ნებისმიერი ხარჯი, რომელიც თუნდაც სხვისი სახელზე რეგისტრირებული უძრავი ქონების ასაშენებლად ან მოსაპირკეთებლად გაწია, ასეთი ჩანაწერი გრიგოლ ბესელიას დეკლარაციაში არ არის.
კომენტარები