პოლიტიკოსი, ეკა ბესელია, “ტვ პირველთან”, უკრაინის
ძალიან ვწუხვარ ადამიანურად, საკუთარი თავის და ქვეყნის დამაზიანებელ გზას დაადგა ივანიშვილი, ის უნდა გრძნობდეს მოახლოებულ საფრთხეს, წრე ვიწროვდება, ახლოსაა, როცა დასავლეთი ამ გადაწყვეტილების სინქრონიზაციას მოახდენს. უკრაინამ გაყო სამყარო ვინ დგას სიუკეთის და ვინ დგას ბოროტების მხარეს, შუაში ადგილი აღარ დარჩა. თუ ვინმე შეეცადა შუაში ადგილის მოპოვებას, ყველა ვინც კი ვერ იღებდა სწრაფად გადაწყვეტილებას, არჩევანს აკეთებს, ან უკვე გააკეთა. ყველაზე ცუდი როლი აირჩია საქართველოს ხელისუფლებამ და როგორც არასოდროს ისე გამომაჟღავნა ლოიალური დამოკიდებულება რუსეთის მიმართ და მტრული განწყობა უკრაინის მიმართ.
ჩემი რჩევა, გაფრთხილება იქნება, ახლა მაინც გონს მოუხმონ, კიდევ არის რაღაცა დრო, დარჩენილია ლავირების და მოქნილობის შესაძლებლობა, ივანიშვილს შეუძლია მოატრიალოს ეს რესურსი და თვალი გაუსწოროს რეალობას.
ივანიშვილს აქვს უნარი, ვიცნობ კარგად, კრიტიკულ და მისთვის სახიფათო სიტუაციაში გადადგას რადიკალური ნაბიჯი, რომ ვერ წარმოგიდგენია, ისეთ მტრად თვლიდეს, შეუძლია დაელაპარაკოს როგორც მოყვარეს. მთავარია გააცნობიეროს, დაინახოს. დაღუპა კობახიძის თვალით ყურებამ და მოაქცია ისეთ ჯურღმულში, სადაც მგონია, არც ერთი სარკმლიდან შუქი არ შედის. ეს საფრთხე მას პირადადაც ეხება და ამას ვერ გრძნობს. რომ გრძნობდეს ამ საფრთხეს წარმოუდგენელ შეცდომებს საკუთარი თავისთვისაც და ქვეყნისთვისაც, არ დაუშვებდა. როგორ შეიძლება მეგობრები მტრად აქციო? ყველა მეგობარი ქვეყნის მტრად უნდათ რომ გაიხადონ. ძალიან სახიფათო ფინალში შევიდა პოლიტიკური პროცესი. უკრაინის ეს გადაწყვეტილება უკვე წითელი ბარათია, ეს წითელი ბარათი უშუალოდ ივანიშვილის მიმართ იმიტომ არ არის ამოქმედებული, რომ ჯერ კიდევ დატოვებულია პოლიტიკური ლავირებისთვის სივრცე.
საქართველოს გაუჩნდა შანსი, არამხოლოდ ევროინტეგრაციის, აფხაზეთის და სამაჩაბლოს თემა, ტერიტორიული მთლკიანობის თემა ისეთი ხელშესახები ჩანს ამ დიდ სურათში, ამას უნდა რუდუნებიტ და სიფრთხილით მოპყრბა და ამას რომ ვერ გრძნობენ, ეს არის გამაოგნებელი. როგორც ჩანს, ამ შანსს უშვებენ ხელიდან და ეს იქნება უპატიებელი. ცვლილებები გარდაუვალია, მაგრამ მისი პერსონალური საფრთხე უნდა დაინახოს. არავის არაფერს არ პატიობენ, ირანის საკითხი, დრონებთან დაკავშირებული თემა, როგორ მწვავედ დადგა, სწრაფად მოხდა კონსოლიდირება.
მგონია, ვიცნობ რა მას პირადად, უნდა იგრძნოს ეს საფრთხე და ეს გამოჩნდება კონკრეტულ ნაბიჯებში. თუ ვინმე ახლა ამარცხებს ივანიშვილს, ეს არის საკუთარი თავი და საკუთარი გუნდი.
კომენტარები