“თავისუფალი საქართველოს” ყოფილი წევრი გოგი წულაია ამ წუთებში წინასწარი მოთავსების იზოლატორში იმყოფება და ბრალის წარდგენას ელოდება. ის პოლიციამ გვიან ღამით დააკავა.
ამ საქმეში დაზარალებულია ახალგაზრდა ქალი, რომელმაც, “კურიერის” ინფორმაციით, წულაია დანაშაულში ამხილა და პოლიციაც თავად გამოიძახა. ის კომენტარს “კურიერთან” აკეთებს.
“წლების მეგობრები ვართ. მეტი თუ არაფერი, მამისტოლი კაცია. არც მიფიქრია რაიმე ზედმეტი. დალია ცოტა, მოწია კიდეც და გადმოვიდა ძალადობაზე. მე თავს ვუშველე, აბსოლუტურად დალურჯებული მაქვს ხელები, ყელი, წელი, ყველაფერი სადაც მოახერხა მოწვდომა.
ვფიქრობ ეს პირველი შემთხვევა არ იქნებოდა, რადგან ასეთი თავხედური, სადაც მე გამიბედა ამდენი, დარწმუნებული ვარ სხვა ქალბატონების მიმართ ექნებოდა სხვა სექსუალური ძალადობა. არავინ გამიბედოს დაინდეო, არ ვაპატიებ ასეთ მოძალადე მამაკაცს,” – ამბობს “კურიერთან” სატელეფონო საუბარში დაზარალებული ქალი.
კომენტარები