“ვერ და არ ვიცრუებ! 80-100 ათასი მოქალაქეა სახელისუფლო აქციაზე!” – ტაბლიაშვილი

ჟურნალისტი, ირაკლი ტაბლიაშვილი:

“სოზარმა რომ თქვა, 15 ათასი მოქალაქე იყო ოპოზიციის აქციაზეო, იცრუა! 50 ათასი იყო.

მე ვერ და არ ვიცრუებ!

80-100 ათასი მოქალაქეა სახელისუფლო აქციაზე! არა მასა ან ბიომასა, არამედ – მოქალაქე.

თუ მეტყვით, მიყარესო, ვერ დაგეთანხმებით! ნება მაშინაც ნებაა, როცა გწკეპლავენ. მათ არც წკეპლავდნენ … ადგნენ და წავიდნენ.

უფსკრულს, რომელიც ისედაც თვალშისაცემია, აღრმავებს ორივე მხარის ლიდერთა მეტად გაუწონასწორებელი, სახელმწიფოს ფუნდამენტის – ადამიანის შემლახავი რეპლიკები – მაგალითად, წულუკიანმა ოპოზიციას ლეშიჭამია უწოდა და რადგან ამ სიძულვილს თესავს, მისი ოპონენტებიც არ აკლებენ.

ახალი, სრულიად ახალი ნარატივია დასანერგი ამ ქვეყანაში.

მაგალითად ეს:

დავასრულოთ სიძულვილი და ზურგი ვაქციოთ იმ კონკრეტულ ადამიანებს, ვინც უფსკრულს აღრმავებს!

ვაგლახ და ვაი, რომ ამ ან მსგავს მოწოდებას პრაქტიკულად არავინ აიტაცებს.

ამიტომაც მოვკვდებით.”