დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე პაატა იმნაძე განმარტავს, როდის არის კორონავირუსით ინფიცირებული ადამიანი გადამდები.
„გადამდებლობაზე როცა ვლაპარაკობთ – ადამიანი ძალიან გადამდებია, როცა სიმპტომები აქვს. ასევე გადამდებია სანამ სიმპტომები გამოუვლინდება მაქსიმუმ 2 დღით ადრე. გაცილებით ნაკლებად არის გადამდები უსიმპტომო პაციენტი, ის ძირითადად თავისი ოჯახის წევრებს ასნებოვნებს ხოლმე, მაგრამ ისიც გადამდებია.
როცა ვიღაც, ვინც კონტაქტში იყო ინფიცირებულ ადამიანთან, იმ დღეს გაიტესტება და უარყოფითია, არაფერს არ ნიშნავს. აზრიც არ აქვს ხოლმე უმრავლეს შემთხვევებში იმიტომ, რომ თუ სიმპტომები არ არის, ტესტი შეიძლება, იყოს უარყოფითი, ამიტომაც ჩვენ ყველას ვტესტავთ, ვინც ახლო კონტაქტში იყო, ოღონდ მეთორმეტე დღეს”
შეგახსენებთ, პაატა იმნაძეს არ ეთანხმება თენგი ცერცვაძე და ის მუდმივად აღნიშნავს რომ უსიმპტომო პაციენტი ბევრად უფრო საშიშია და მისგან უფრო მოსალოდნელია ვირუსის გადადება. თენგიზ ცერცვაძე ამას იმით ხსნის, რომ უსიმპტომო პაციენტი არ ერიდება ხალხთან კონტაქტს, სიმპტომიანი და კი ერიდება, შესაბამისად, რა კვლევებზე დაყრდნობით ამბობს იმნაძე, რომ უსიმპტომო პაციენტებისგან მხოლოდ ოჯახის წევრებს შეიძლება გადაედოს – დაუდგენელია.
მით უფრო გაუგებარია, რატომ გადაჰყავთ უსიმპტომო პაციენტები მაშინ კლინიკებში, თუ ისინი ნაკლებად არიან გამავრცელებლები ვირუსის და რატომ არ ტოვებენ მათ თვითიზოლაციაში, ან კარანტინში.
კომენტარები