პრემიერ-მინისტრმა, გიორგი გახარიამ სოფელ ნიქოზის სანერგე მეურნეობაში, სადაც შიდა ქართლის რეგიონის ფერმერებს ხვდება განაცხადა:
„მინდა, გავიხსენო, სამი წლის წინ ვიყავი აქ პირველად, გიორგისთან ერთად რომ გავიარეთ, პატარა ნერგები იყო. სანამ საქმეზე გადავალთ, მარტივი რამ მინდა გითხრათ, რომ ეს არის ყველაზე კარგი მაგალითი, რა შეუძლია შრომას და როგორ შეიძლება, ქვეყანას ემსახურო, განსაკუთრებით აქ. არ არის ეს მაღალფარდოვანი სიტყვები.
ბოლო ერთი-ორი დღის განმავლობაში, იმდენი წუწუნი მესმის ჯანიანი ბიჭების ქალაქში – ვაიმე, ტურისტი აღარ არის, რა გვეშველება, მთავრობა რას შვრები, როდის ჩამოვა ტურისტი, მოგვეხმარეთ და ის ქენით. რეალურად, ყველას უნდა ესმოდეს, რომ ადამიანი, მამაკაცი, ახალგაზრდა, ჯანით სავსე, ენერგიით სავსე, ყოველთვის შეძლებს, თუ აქვს შესაბამისი სურვილი, სამართლიანობა, ღირსება, ამ ქვეყანაში საქმე გააკეთოს ისე, როგორც აკეთებს გიორგი“
კარგია, რომ ნერგები სამ წელიწადში გაიზარდა, პრემიერო, უკეთესი იქნება, მოსავლის გასაღებასაც თუ უზრუნველჰყოფთ, თორემ, დამპალი ბოსტნეულიც ვნახეთ და თურქეთიდან შემოსული პროდუქტიც.
პრემიერო, თუ შრომით შეგვიძლია ეკონომიკის აღდგენა და თავის რჩენა – მაშ, აქცენტი წლებია რატომ არის ტურისტულ ბიზნესზე?
რატომ არ ვაკეთებთ აქცენტს სოფლის მეურნეობაზე და ექსპორტზე? რატომ არის იმპორტის წილი მეტი, ვიდრე ექსპორტის?
ტურისტების ჩამოსვლა-არჩამოსვლაზე უამრავი დრო და ენერგია დავხარჯეთ, ყოველ მეორე დღეს იმას გვიყვებით, რამდენ ქვეყანასთან გაქვთ მოლაპარაკება და პროდუქტების ექსპორტზე გესაუბრათ მთელი ეს დრო და სოფლის მეურნეობის განვითარებაზე.
თქვენი ჯანიც რომ აქეთკენ მიმართოთ პრემიერო და მედიაზე არ იწუწუნოთ – კარგი იქნებოდა.
ალია
კომენტარები