დაავადებათა კონტროლის ეროვნული ცენტრის დირექტორის მოადგილე, პაატა იმნაძე ჟურნალისტების მიზნობრივ ჯგუფში ვაქცინაციის შესახებ, ამბობს:
“როცა ჟურნალისტების აცრის საკითხი დაისვა, მე ამის წინააღმდეგი ვიყავი. ჟურნალისტები ის ადამიანები არიან, ვინც კომპიუტერის მოხმარება ამ ქვეყანაში არავისზე ნაკლებად არ იციან.
მე მესმის, რომ ვთქვათ სამაგალითოდ რამდენიმე ჟურნალისტი, ცნობადი სახეების იმაში [კატეგორიაში], რომ გადიან, აიცრა და მაგალითი მისცა. ეს ძალიან კარგია, მაგრამ ისე, რომ ჯგუფი გამოიყოს იმიტომ, რომ ჟურნალისტია… ხო არის რაღაც პროფესიული ჯგუფები, თქვენც ერთ-ერთი პროფესიული ჯგუფი ხართ, გასაგებია, მაგრამ ექიმებისნაირი რისკი გაქვთ? – არა. პოლიციელებისნაირი რისკი გაქვთ? – ალბათ, არა. კიდევ ერთხელ ვამბობ, ძალიან კარგად იცით კომპიუტერის მოხმარება, შეგიძლიათ დარეგისტრირდეთ და სადაც გინდათ იქ აიცრათ”
პანდემიის პერიოდში, ჟურნალისტები ყველგან არიან, იქ, სადაც ექიმები არიან, იქ, სადაც პოლიციელები არიან – ყველგან. სხვათა შორის, ორი დღის წინ, საპატრიარქოში მხოლოდ ის ჟურნალისტები შეუშვეს, ვისაც კოვიდი გადატანილი ჰქონდა, ან ტესტი ჰქონდა გაკეთებული. იმის ნაცვლად, რომ სახელმწიფომ, ვაქცინაციის პროპაგანდა დაიწყოს, ჩინოვნიკები, თავს ასე საუბრის უფლებას აძლევენ, იქნებ, იმიტომ, რომ ქვეყანაში საჭირო ვაქცინის შემოტანა ვერ უზრუნველჰყვეს? იქნებ, იმიტომ, რომ ჟურნალისტი მეტია და ვაქცინა ცოტა? დღემდე იმაზეც არ გაუცია პასუხი ჯანდაცვას, რატომ ჩავარდა ექიმების ვაქცინაციის პროცესი, თუმცა, ჟურნალისტებზე საუბარი, კვლავ მათი საყვარელი თემაა.
კომენტარები