აშშ-სი სურსათისა და მედიკამენტების ადმინისტრაციამ წონის კლების პრეპარატს ავტორიზაცია მიანიჭა.
წონის კლების ახალ მედიკამენტ Wegovy-ს დანიური ფარმაცევტული კომპანია Novo Nordisk აწარმოებს.
ჩატარებულმა გამოკვლევებმა, რომელშიც 2 000 ჭარბწონიანი ადამიანი მონაწილეობდა, აჩვენა, რომ პრეპარატმა წონის კლებას 15%-ით შეუწყო ხელი, ხოლო ჯგუფის 30 პროცენტზე მეტმა წონის 20 პროცენტზე მეტი დაიკლო.
”ამ დონის ეფექტურობას ვერცერთი სხვა პრეპარატი ვერ აღწევს”, – ამბობს მკვლევარი რეიჩელ ბატერჰემი ლონდონის უნივერსიტეტიდან.
პირველად, შესაძლებელი გახდება წონის კლება ქირურგიული ჩარევის გარეშე, ეს პრეპარატი თამაშის წესებს შეცვლის – აცხადებენ ექსპერტები.
აშშ-ში აცხადებენ, რომ 20 წელს გადაცილებულთა სამ მეოთხედს წონის პრობლემა აქვს. ექსპერტები იმედოვნებენ, რომ ახალი მედიკამენტი მრავალ ადამიანს დაეხმარება წონის კლებაში.
მიუხედავად იმისა, რომ კომპანიას ჯერ პრეპარატის ფასი არ დაუსახელებია, ვარაუდობენ, რომ მედიკამენტის 1 თვის სამყოფი დოზა 1300 დოლარამდე დაჯდება.
წყარო –Science Alert
კომენტარები