ჟურნალისტ ირა გოგოსაშვილის ინფორმაციით „ტვ პირველს“ რამდენიმე ცნობილი ჟურნალისტი ტოვებს.
როგორც ამბობს, ვახო სანაია და ნინო ჟიჟილაშვილი ტელეკომპანია „ფორმულაზე“ გადადიან.
ასევე გაავრცელდა ინფორმაცია, არხიდან დიანა ტრაპაიძის შესაძლო წასვლის შესახებ.
პრაიმტაიმი ავრცელებს ჟურნალისტების კომენტარებს:
დიანა ტრაპაიძე: „მე “ტვ პირველზე” ვმუშაობ. ცალსახად, არ მივდივარ „ფორუმულაზე“. თუ სადმე წავალ გაგაგებინებთ აუცილებლად, მაგრამ „ფორმულაზე“ არ მივდივარ“
ვახო სანაიამ ზარებს არ უპასუხა, ნინო ჟიჟილაშვილმა კი აღნიშნა:
„ამ წუთას მე ხვალინდელ გადაცემაზე ვმუშაობ. თუ რაიმე შეიცვლება, ალბათ, შეიტყობთ. მადლობა“.
ტელეკომპანია „ფორმულამ“ მაუწყებლობა რამდენიმე თვის წინ დაიწყო. ტელეკომპანიის საკონტროლო პაკეტს თავდაცვის ყოფილი მინისტრი, დავით კეზერაშვილი ფლობს.
კომენტარები