“თუ სრული იდიოტია ახალაია, რევოლუციას როგორ აწყობდა?” – ლევან ჯავახიშვილი

ჟურნალისტი, ლევან ჯავახიშვილი სუსის ბრიფინგს ეხმაურება:

ახლა სუს-ის ბრიფინგს ვუსმინე, ბაჩო ახალაიას და მისი მეუღლის, ანა ნადარეიშვილის დაკავებასთან დაკავშირებით და აი, რა თქვეს.

ახალაია იყო 4 ოქტომბერს სახელმწიფო გადატრიალების მეთაური, ამ გადატრიალების სათავეში მყოფ სხვა პირებს, პაატა ბურჭულაძეს, მურთაზ ზოდელავას და სხვებს, ახალაია საკუთარი სახლიდან, საკუთარი ცოლის ტელეფონიდან ეკონტაქტებოდა, მესიჯებსაც სწერდა და ურეკავდა კიდეცო.

გამოდის, ბაჩო ახალაია არის სრული იდიოტი, კრეტინი, იმბეცილი. თუ ასეა და მაგას როგორ უნდა მოეწყო სახელმწიფო გადატრიალება? ყველაფერს თავი დავანებოთ, კაცმა იმდენიც ვერ მოიფიქრა, იმ 4 ოქტომბერს, სახლიდან და ცოლის ტელეფინით არ ეკონტაქტა გადატრიალების სხვა მოთავეებთან? კაცი გადატრიალებაზე მიდის, ფინანსური რესურსები არ აკლია და ვინმეს ახლობლისა და თანამოაზრის სახელზე, ერთი ყალბი პირადობის მოწმობა ვერ იშოვნა, რომ სხვას ექირავებინა ერთოთახიანი ბინა, მერე თვითონ ფარულად შესულიყო, თუნდაც ღამით, მანამდე იმავე პარადობით ეყიდა ტელეფონი და სიმ-ბარათი და იმ ბინიდან ერეკა და ემესიჯა გადამტრიალებთან? ის პიროვნება კი, ვის სახელზეც ყალბი პირადობა იქნებოდა გაკეთებული, აორთქლდებოდა საქართველოდან.

ვისაც გჯერათ, გაგატარებთ, მაგრამ ფაქტია, რომ სუს-მა მორიგი ზღაპარი მოგვიყვა, სულ ეს იყო ეგ ბრიფინგი.

ბაჩო ახალაია როცა ხელისუფლებაში იყო, მასთან, მის ძმასთან, დათა ახალაიასთან, რომელიც სახელმწიფო უსაფრთხოების სამსახურის უფროსი იყო, კაი გვარიანი ბრძოლები მაქვს გადატანილი. სხვა და სხვა გაზეთებში მაგათი კრიტიკის მეტს არაფერს ვაკეთებდი. ჰოდა, მაშინ ბუჩქებში რომ იმალებოდით და ხმას ვერ იღებდით, ის ხალხი ნუ შემომივცივდებით კომენტარებით.