არასამთავრობო ორგანიზაცია “ჩემი ქალაქი მკლავს”, წერილს ავრცელებს:
გვინდა, გამოვეხმაუროთ დღეს განვითარებულ მოვლენებს – წერეთლის გამზირზე ჩამავალი ყველა გზა ჩაიკეტა და დარჩა მხოლოდ ერთი, სადგურის მოედნიდან გასასვლელი.
ეს გადაწყვეტილება, ფაქტია, რომ ნაჩქარევად იყო მიღებული, რადგან ინფორმაცია ჩვენც დღეს დილით მივიღეთ, ისიც მოსახლეობისგან, რომელიც საცობში იდგა საათობით.
იმას ყველას ვიაზრებთ, რომ ასფალტის საფარი იგება და ავტომობილების მოძრაობა იქ დაუშვებელია, თუმცა დღის განმავლობაში გზა არ დაგებულა, დაიწყო მხოლოდ საღამოს გზის საფარის დაგება, სწორი იქნებოდა, რომ კედიას ქუჩა, ბათუმის ქუჩა და თევდორე მღვდლის ბოლო მხარეს ეს გზები გახსნილიყო , რათა ნაკლები საცობი ყოფილიყო დღეს დიდუბეში.
ასევე, დღის განმავლობაში ხალხს არ ჰქონდა ეს ინფორმაცია, რომ ყველა ჩასასვლელი ჩაკეტილი იყო და ამან შექმნა სრული ქაოსი, საპატრულო პოლიციაც არ იდგა და არ არეგულირებდა მეორეხარისხოვან გზებს, სადაც საათობით იდგნენ მოქალაქეები საცობში, რომ ვკითხეთ, რატომ არ რეგულირდებოდა მოძრაობა ამ გზებზე, გვიპასუხეს, რომ რა დავალებაც ჰქონდათ, იმას ასრულებდნენ, იდგნენ წერეთელზე მანქანაში, ამ გზაზე ვერ შემოვიდოდა ვერც სასწრაფო, ვერც სახანძრო ბრიგადები.
ასევე, როდესაც ასეთი რამის გაკეთება იგეგმება, აუცილებელია, იქ მაცხოვრებელებს გაეგზავნოთ შესაბამისი შეტყობინება წინა დღეს, რათა თადარიგი დაიჭირონ, ეს ნაბიჯიც არ გადადგმულა, ეს შემთხვევა გვახსენებს მიშა რომ უცებ აკეთებინებდა გზებს და შენობებს, ფასადურად, ნელ-ნელა მაქეთკენ მიდივართ?
უნივერსიტეტის ქუჩის ტროტუარი Has Left The Chatამ საკითხში ჩვენ მზად ვართ, დავეხმაროთ ნებისმიერ უწყებას, თუ მოგვაწვდიან წინასწარ ინფორმაციას, ჩვენ მზად ვართ, გავავრცელოთ ასეთი და ქალაქისთვის მნიშნველოვანი სხვა სახის ინფორმაცია.
ახლა ვრცელდება თქვენი მესიჯბოქსი, ტროლებისა და გამგეობის თანამშრომლების ხელით რაც იწერება, თითქოს გვამადლით რამეს, რომ ეს გზა კეთდება, ძველი კომპანია გაუშვით და ახლები მოიყვანეთ
რამდენიმე თვეა, დიდუბის მაცხოვრებლები მტვერში, ტალახში და გამონაბოლქვში არიან იმიტომ, რომ თვეების განმავლობაში 1-2 ტრაქტორი მუშაობდა (იპოდრომის ტრაქტორს ვერვერთი ვერ შეედრება, ის 1 წელი გაუნძრევლად იდგა) და რომ დავწერეთ იმაზე, რომ იანვრის ბოლოს სრული რეაბილიტაცია ვერ ესწრებოდა, მერიის “მტრებად და მატყუარებად” შეგვრაცხეთ, თუმცა იანვრის ბოლოს, ფაქტია, სრული რეაბილიტაცია ვერ ესწრება, მერე გამოჩნდა “გუთენ ტრაკენის სტანდარტი” , რის შემდეგაც გაუშვით კომპანიები იმ მიზეზით, რომ უხარისხოდ იყო სამუშაოები ჩატარებული, თუმცა აქაც გვაქვს კითხვა, თუ სამუშაოები უხარისხოდ სრულდებოდა, ახლა ზემოდან ასფალტის საფარს რატომ აგებთ? რაც უხარისხოდ კეთდებოდა, ის 1 კვირაში გამოსწორდა?
და 18 მილიონ ლარად შემოუშვით რამდენიმე კომპანია, რომლებიც, ფაქტია, სწრაფად მუშაობენ (ამდენი სამშენებლო ტექნიკა ერთად არსად გვინახავს) , ასე რომ ემუშავათ აქამდე, უკვე დასრულებული იქნებოდა წერეთლის გამზირი და მადლობასაც გეტყოდითამიტომ ის მესიჯბოქსი, თითქოს ეს უმადური ხალხი რაღაცებს ვერ ხედავს, ცოტა არ იყოს და უხერხულია, რადგან ამ ხალხისგან იღებთ ხელფასს და აიწყეთ ცხოვრება, და ზუსტად ეს ხალხი 1 წელი ტალახში და მტვერში ელოდებოდა ავტობუსს, რომლებიც ყოველთვის გადავსებულია და ადამიანის ღირსება ილახება იქ ასვლით, თუმცა ამის გამო გზა არასდროს გადაუკეტავთ, ისე, რომ გადაეკეტათ, ალბათ მანამდეც დაჩქარდებოდა პროცესები…
შეცდომების აღიარება სიძლიერის ნიშანია და უკეთესია, ვიდრე შეცდომების გადაფარვა და გამართლება ტროლ-ბოტების მეშვეობით, ამ ბოლო დღეებში ძალიან აქტიური შემოტევა იყო, მაგრამ
ჩვენი მიზანი არის ჩვენი ქალაქისა და ქვეყნის უკეთესი მომავლისთვის ბრძოლა და ვაჟღერებთ მოსახლეობის ხმას, რაც აქამდე ასეთი ძლიერი არასდროს ყოფილა, ამიტომ მოუსმინეთ ხალხს და გაითვალისწინეთ თითოეული მოქალაქის მოსაზრება
კომენტარები