“თუ ბიძინა არ გამოჩნდა აქციაზე, ვერანაირი გადარჩენის ოპერაცია ეს ვერ იქნება” – ლელა ჯეჯელავა

ანალიტიკოსი, ლელა ჯეჯელავა:

“ქართული პოლიტიკური სპექტრის მთავარი პრობლემა ის არის, რომ სასურველსა და რეალურს შორის ზღვარის გავლება უჭირთ და ამიტომ არასოდეს იყენებენ იმ მოცემულობას, რომელიც მათთვის მისაღები არ არის, გავიგეთ, რომ ქალბატონი პრეზიდენტი მონაწილეობს ივანიშვილის გადარჩენის ოპერაციაში. მომაწილეობს , მაგრამ არ ხელმძღვანელეობს.

წუხანდელ ბრიფინგზე ჩემთვის ორი საკითხი იყო მნიშვნელოვანი:

1. ეს იყო ბიძინას გზავნილი ბრიუსელისათვის თუ

2. ბრიუსელის გზავნილი ბიძინისათვის?

ევროპიდან დაბრუნებული სალომე ზურაბიშვილი დამოუკიდებლად ვერ იტყოდა რომ რეზოლუცია საბოლოო ვერდიქტი არ არის. იმ ფონზე, როცა მან საგანგებოდ აღნიშნა, რომ ის ერთადერთი ოფიციალური პირია, რომელსაც ყველაზე მაღალი დონის შეხვედრები ჰქონდა ევროპელებთანაც და ამერიკელებთანაც.

რაც შეეხება 16 -ის აქციას, თუ იქ ბიძინა ივანიშვილი არ გამოჩნდა, როგორც რიგითი მოქალაქე, ვერანაირი გადარჩენის ოპერაცია ეს აქცია ვერ იქნება. არ მივა ბიძინა, არ მივა ხელისუფლება. დარჩება პრეზიდენტი ოპოზიციურად განწყობილ პროდასავლურ საზოგადოებასთან და სურათი იგივეა: ხელისუფლებას არ უნდა ევროპა, ევროპა ხალხის არჩევანია.

პრეზიდენტი ამბობს, რომ მან ყველაფერი გააკეთა ივანიშვილის და ევროპული კურსის გადასარჩენად და იწყება სრულიად სხვა პროცესი ქვეყანაში.

მე პირადად, ღრმად ვარ დარწმუნებული, რომ ბიძინა ვერც 16-ში მივა აქციაზე და ვერც თავის პოზიციას დააფიქსირებს საჯაროდ ევროინტეგრაციასთან დაკავშირებით.

ამის გამართლება, რომ ბიძინა პოლიტიკაში აღარ არის, აბსურდია, რეზოლუცია მას ეძღვნება და კეთილი ინებეთ და აიძულეთ, ღიად დააფიქსიროს თავის პოზიცია საქართველოს ევროპულ მომავალზე.

მიუხედავად ჩვენი სუმბურული დამოკიდებულებისა პრეზიდენტისადმი, ის გაცილებით უფრო წონიანი და საშიში პოლიტიკური ფიგურაა, ვიდრე თქვენ წარმოგიდგენიათ. ხო, მექი კედიას გენებს რომ შეუძლია გაიღვიძოს, ესეც გახსოვთ ალბათ. რა გჭირთ, პოლიტიკოსები, ისწავლეთ, არასასურველი მოცემულობის სათქვენოდ გამოყენება, როგორ შეიძლება ასე სწორხაზოვანი აზროვნება?”