სკანდალური ფაილების მიხედვით, სუსი უსმენდა ყველას, მათ შორის პატრიარქის მდივან რეფერანტს, შორენა თეთრუაშვილს, რომელიც ილია მეორესთან დაახლოებული პირია.
ჩანაწერების მიხედვით, შორენა თეთრუაშვილი პირადად ხელმძღვანელობდა პატრიარქისა და მისი სტუმრების ჩაწერას, აგროვებდა კომპრომატებს სასულიერო პირებზე და ინფორმაციების გაგზავნას სანდო პირის მეშვეობით რუსეთში ცდილობდა.
დაფიქსირდა, რომ თეთრუაშვილი აგროვებს საპატრიარქოში სხვადასხვა ქვეყნებიდან ჩამოსული სტუმრების პატრიარქთან შეხვედრის აუდიო-ვიდეო ჩანაწერებს და ცდილობს მათს გაგზავნას რუსეთში, ალექსანდრე ნეველის სახელობის ტეძრის დეკანოზ ალექსანდრე გუნიას მეშვეობით.
ზეგავლენის გასაძლიერებლად და პროცესების მართვის მიზნით თეთრუაშვილი არ ერიდება მაღალი რანგის სასულიერო პირებს შორის ინტრიგების ხლართვას და ჭორების გავრცელებას. საპატრიარქოს მართვის პროცესში ძირითადად ეყრდნობა კომპრომეტირებულ, უნებისყოფო, ფსიქოლოგიური პრობლემების მქონე და განსხვავებული სექსუალური ორიენტაციის მქონე სასულიერო პირებს – აღნიშნულია ინტერნეტში გავრცელებულ საიდუმლო ფაილებში.
წყარო – ტვ პირველი
კომენტარები