პარლამენტის უკვე ყოფილი თავმჯდომარე, კახა კუჭავა, სპეციალურ ბრიფინგზე ამბობს, რომ თანამდებობიდან გადადგომის შესახებ 2 დღეში არ მიუღია გადაწყვეტილება და უკვე ბოლო თვეა ამ საკითხს განიხილავენ.
კახა კუჭავა:
“შორს არ მივდივარ, ვრჩები პოლიტ.საბჭოში, ჩემ გუნდთან ერთად. ყოველთვის ვამბობდი და გავიმეორებ, პარლამენტი ის ერთადერთი ადგილია, სადაც უნდა ხდებოდეს უმნიშვნელოვანესი გადაწყვეტილებების მიღება. არ იყო მარტივი პერიოდი. შევეცადე ვყოფილყავი ყველას თავმჯდომარე. ვთვლი, რომ დიდწილად შევძელი ამის გაკეთება. მადლობა თითოეულ თანამშრომელს. დიდი მადლობა გუნდს, ირაკლი კობახიძეს პირადად, ჩემთვის დიდი პატივი იყო ეს ტვირთი მეტარებინა. ბევრი პროექტი დავიწყეთ, რომელსაც დარწმუნებული ვარ, შალვა პაპუაშვილი წარმატებით გააგრძელებს.”
კახა კუჭავას თქმით, იგი უხელმძღვანელებს პროექტს და სწორედ ამიტომ ტოვებს პარლამენტის თავმჯდომარის პოზიციას, თუმცა, მისივე თქმით, ჯერ ვერ დაასახელებს იმ პროექტს, რომლის სახელმძღვანელოდაც თანამდებობიდან გადადგა.
კომენტარები