„საქართველო, ალბათ, პირველ ადგილზეა მსოფლიოში, ერთ სულ მოსახლეზე არასამთავრობო ორგანიზაციების რაოდენობით” – სალუქვაძე

სამხედრო საქმის ანალიტიკოსი ამირან სალუქვაძე:

„საქართველო, ალბათ, პირველ ადგილზეა მსოფლიოში, ერთ სულ მოსახლეზე არასამთავრობო ორგანიზაციების რაოდენობის მხრივ. ანუ, ჩვენ გვაქვს კარგად განვითარებული არასამთავრობო სექტორი, ოღონდ არ გაგვაჩნია სამოქალაქო სექტორი.

ანგაჟირებული არასამთავრობო ორგანიზაციები წარმოადგენენ არა საზოგადოებას, არამედ არიან პოლიტიკური მხარე, ნაციონალური მოძრაობის პარტიული სტრუქტურის და ინფრასტრუქტურის ნაწილი. მათ აზრს ფასი აქვს მოსახლეობის ზუსტად იმ და იმდენი ნაწილისთვის, ვინც და რამდენიც მხარს უჭერს კოლექტიურ ნაციონალურ მოძრაობას.

შესაბამისად, სახალხო დამცველის თანამდებობაზე, ნაციონალური მოძრაობის დავალებით არასამთავრობოების მიერ დასახელებული კანდიდატი ვერ იქნება სამოქალაქო საზოგადოების, ანუ მოსახლეობის აზრის გამომხატველი და მათი უფლებების, მათი ღირებულებების დამცველი. მოსახლეობის უმრავლესობამაც უნდა ისწავლოს აქტიურობა და საკუთარი ინტერესების დაცვა. არ შეიძლება საკუთარ კვლევებში რეპუტაციის და ნდობის მხრივ ბოლო ადგილზე მყოფი 1%-ანი არასამთავრობო სექტორი გესაუბრებოდეს საზოგადოების სახელით და თავზე ახვევდეს მთელ ქვეყანას ნაცმოძრაობის პოზიციას“