“საპატრიარქოს უნივერსიტეტმა ღია ცის ქვეშ დატოვა…” – ნინოწმინდის პანსიონატის საქმის სკანდალური გაგრძელება

სახალხო დამცველი, ნინო ლომჯარია:

“სახალხო დამცველის აპარატი იღებს შეტყობინებებს ნინოწმინდის ბავშვთა პანსიონის მოქმედი თუ ყოფილი აღსაზრდელებისგან, რომ მათზე მიმდინარეობს სერიოზული ზეწოლა, რომ არ მისცენ ჩვენებები სამართალდამცავ ორგანოებს მათ მიმართ განხორციელებული ძალადობის ფაქტების შესახებ, რასაც ადგილი ჰქონდა ნინოწმინდის პანსიონში ცხოვრების დროს. 

დაგვიკავშირდა ყოფილი აღსაზრდელი ნინოწმინდის ბავშვთა სახლის, რომელიც ახლა ირიცხება ხიჭაურის უნივერსიტეტში, ისაა საპატრიარქოს დაქვემდებარების ქვეშ, სადაც ძირითადად სწავლობენ ნინოწმინდის ბავშვთა სახლის ყოფილი ბენეფიციარები და მათი ერთადერთი საცხოვრებელი არის ამ უნივერსიტეტის საერთო საცხოვრებელი. პირმა, რომელიც არის სრულწლოვანი, განგვიცხადაა, რომ რამდენიმე დღის წინ გადაწყვიტა მიუხედავად დიდი ზეწოლისა, რომ მიეცა ჩვენება ძალადობის ფაქტების შესახებ პოლიციისათვის და პოლიციიდან უკან დაბრუებულს უნივერსიტეტის წარმომადგენლებმა მოსთხოვეს, რომ დაეტოვებინა უნივერსიტეტის ტერიტორია, იმის გამო, რომ მან ინფორმაცია ძალადობის ფაქტების შესახებ მიაწოდა პოლიციას. ის წუხელ ადგილობრივმა ერთ-ერთმა მოსახლემ შეიფარა, დღეს ის არის ღია ცის ქვეშ და სახალხო დამცველის აპარატი მუშაობს იმისთვის, რომ გამოიძებნოს მითვის თავშესაფარი, ვინაიდან ამ პირს არ აქვს სხვა საცხოვრებელი ადგილი და თავშესაფარი”.

ლომჯარიას შეფასებით, იკვეთება დანაშაულის ნიშნები, იძულება, რაც ძალიან საყურადღებო და საგანგაშოა. ომბუდსმენი მიმართავს სახელმწიფო უწყებებს, მათ  შორის, საგამოძიებო ორგანოებსაც რომ ამ ფაქტით დაინტერესდნენ.