მოძრაობა “საქართველოს” წევრი, გიორგი მუმლაძე:
“სანამ ბიძინა ივანიშვილს სახლთან არ მივადგებით, სანამ ქართული ოცნების ოფისებთან არ მივალთ, არაფერს დათმობენ. უნდა გავაგდოპთ, არ წავა. ხელისუფლებას ვერ შეცვლის ხალხი, ვისაც არა გაქვს გამბედაობა, თავგანწირვის უნარი და ნდობა. ეს ხელისუფლება რა ხალხმა უნდა ჩაანაცვლოს ისიც უნდა ვიცოდეთ და ეს ხალხი ვერავის ვერ ჩაანაცვლებს, იმიტომ რომ ბიძინა არავის არაფერს არ დაუთმობს, სანამ არ წაარმევ. ამისთვის კი საჭიროა ნაციონალური მოძრაობა არ იყოს სამარცხვინო მდგომარეობაში. გუშინდელი ნიკა მელიას განცხადება, თუნდათ, ამას არ უნდა მივცეთ პოლიტიკური ელფერიო. ამას ამბობენ ქოცებიც. ტრაგედიაზე და მკვლელობაზე ხმა არ ამოვიღთო, მხოლოდ იმ საქმეზე ვილაპარაკოთ, რაც მოხდა 10-15 წლის წინ და ის რომ ახლა კლავენ ბავშვებს, ამაზე ხმა არ უნდა ამოვიღოთო და ასე მეგობრებო, ვერ გავფრინდებით.
დაველოდოთ მომენტსო და რა მომენტი უნდა მოვიდეს მეტი? არ მითხრათ ახლა არჩვენებით მოვუგებთო, 2020 არჩევნებზე ჩემი ხელით მაინც არ აღმომეჩინა ათობით და ასობით გაყალბებული ოქმი. 3700 შემაჯამებელი ოქმიდან 2000-ში იყო დისბალანსი. რამდენიმე ასული კაცი ვაპროტესტებდით, ყველა იჯდა კაბინეტში. ნიკა მელია პუფებს ეძახდა, ვინც შევა პარლამენტშიო და კი სხედან პარლამენტში.
ნიკა მელიას როდესმე უთქვამს, რომ აი, კახა კალაძემ მომპარა არჩევნები და მაგაზე შურს ვიძიებო? მე არ გამიგია. თუ თვითონ არ სჯერა რომ არჩევნები გაყალბდა და წაართვეს, სხვამ რატომ უნდა დაიჯეროს?
წარმოუდგენელია, ეხვეწებით ხელისუფლებას, უი, იქნება გადადგე… არც გადადგება, არც პასუხისმგებლობას აიღებს და ნულოვანი შიში აქვთ, რატომ? იმიტომ რომ თქვენ კომფორტის ზონას ვერ გაცდით, ფეხით არ დადიხართ ქუჩაში, ვინმე თუ არ გიცავთ, ბაზარში თქვენ არ დადიხართ, გაჭირვებულ ხალხს თქვენ არ ხვდებიოთ. ვერ დავამარცხებთ ასე ივანიშვილს.
თუ არაფერს გააკეთებთ, გამოდის, ეს მილიონები იმიტომ გაქვთ, რომ ბიძინას აწყობს რომ გქონდეთ, თორემ, დღედაღამე მუშაობენ ჩემი მეგობრები, რომ თავი ირჩინონ. არ უნდათ რომ ჩვენნაირ ხალხს ჰქონდეთ შემოსავალი, რადგან იციან, ჩვენ მთელ შემოისავალს მივმართავთ რეჟიმის წინააღმდეგ.
უი, იმას არ ეწყინოს, ამას არ ეწყინოს, ბოდიში და ფეხზე მკიდია, ვის რა ეწყინება, ქვეყნის ბედი წყდება. ჩემი შვილი რომ სკოლაში გავუშვა, ამისი არ უნდა მეშინოდეს. ივანიშვილს და მის ბრბოს დაასრულებს სინდისიერი პოლიტიკოსების მოღვაწეობა, სხვა შემთხვევაში, რუსული ფეოდალიზმი გაგვსრესს ბოლომდე.
გუშინ, ივანიშვილის შვილიშვილი არ მოკვდებოდა იქ, იცით რატომ? ბურთი რომ გადაუვარდებოდა, მისი პირადი დაცვა ჩავიდოდა იქ და ჩვენ შვილებს არა ჰყავთ პირადი დაცვა. ეს უნდა დავასრულოთ. ეს ფეოდალური მიდგომა თუ არ დავასრულეთ, არ ვიქნებით მართლები არც ქვეყნის და არც უფლის წინაშე.
საზოგადოებაა ცუდიო, რომელი საზოგადოება? 1801 წლიდან ჩვენმა ხალხმა რამდენი აჯანყება მოაწყო რუსეთის წინააღმდეგ? რეპრესიებს გაუძლო, ქართული ენა შეინარჩუნა, 9 აპრილი მოუწყვეს – გადაიტანა, შიდა ომები გადაიტანა, ტერიტორიები წაართვეს, მაინც არ გატყდა, ვარდების რევოლუცია მოაწყო, სახელმწიფო წამოაყენა ფეხზე. ბოლო 3 არჩევნები მოუგო ხალხმა რუს ოლიგარქს და ვისაც ხმა მისცა იმან არ დაიცვა და ხალხის ბრალი რატომაა რამე? ვინც ქართელ ხალხს ლანძღავს ის აკეთებს რუსულ საქმეს. პირველ რიგში პასუხისმგებელი არის პოლიტიკური სპექტრი.
ჩემი ინტერესია, ნაციონალურ მოძრაობაში ნორმალური ხალხი მოვიდეს ლიდერებად, მიხეილ სააკაშვილის მეგობრები მოვიდნენ, მეგობრულად მაინც იბრძოლებენ იმ კაცის გადასარჩენად. თუ პოლიტიკა არ ესმის, მეგობრობა უნდა ესმოდეს, მეგობარი და ძმაკაცი უნდა იყოს, რომ იბრძოლოს მისი თავისუფლებისთვის.
როცა ჩემი სტუდენტები მეკითხებიან ის რატომ არ ხდბა, ეს რატომ არ ხდება, პასუხები არა მაქვს, იმიტომ რომ არაფერი არ კეთდება.
რუსულმა კაგებემ წარმატებით შეაღწია ოპოზიციურ სპექტრშიც, ეს პირდაპირ შემიძლია გითხრათ სამწუხაროდ.ამის მაგალითია თუნდაც ის დუმილი, რასაც ვხედავთ. პუფები, სიტყვის გამტეხავები ვერ დაამარცხებენ კრიმინალ ივანიშვილს, რომელიც არის მკვლელი სისტემის შემქმნელი.
კომენტარები