სამოქალაქო აქტივისტი, ლექსო მაჭავარიანი:
დაიწყებენ ახლა, რომ პოლიციელი გმირია და ცალკეული შემთხვევები მათი მუნდირის ღირსებას ჩრდილს არ უნდა აყენებდეს.
ხოდა, რომელი ერთია გმირი?
დაკითხვის დროს ბავშვები თვითმკვლელობამდე რომ მიჰყავთ, ისინი?
თუ შშმ პირს უმოწყალოდ რომ სცემენ ესკალატორზე სიარულის გამო, ისინი?
იქნებ, ოჯახში ძალადობის დროს რომ იძახებენ და მსხვერპლის ჩაჩუმებას ცდილობენ, ისინი?
ან იარაღს და ნარკოტიკს რომ გვიდებენ უფროსის ბრძანებით, ისინი?
ზამთარში აქციაზე გასათბობად მიტანილი შეშის გამო რომ გვიჭერენ, იქნებ, ისინი?
ან სასამართლოზე ცრუ ჩვენებებს რომ იძლევიან, ისინი?
მოძალადე ნაბიჭვრებს ლოკაციებს რომ აწვდიან და ჟურნალისტებს აცემინებენ, ისინი ხომ არა?
ააა, ალბათ, ქურდებთან და ძველ ბიჭებთან ერთად არჩევნებს რომ აყალბებენ, ისინი.
ან იქნებ, ამათი კოლეგები, ამ ყველაფრის შემყურე ხმას რომ არ იღებენ, სამსახური არ დავკარგოო?
გმირი კი არა, მოძალადე მონათა ჯოგია ქართული პოლიცია და ეგეთი იყო ყოველთვის.
შევარდნაძის დროს ვაგზლის მეტროში გამძარცვა პოლიციამ. აი, ასე, გამაჩერეს, ჯიბეები ამომიტრიალეს და ფული ამომიღეს.
სააკაშვილის დროს მინისტრის მოადგილის რანგში პროკურორთან და გარემოს დაცვის ინსპექციის ჯგუფთან ერთად რიკოთზე, მანქანაში ვემალებოდი მთელი ღამე ადგილობრივ კორუმპირებულ პოლიციას, რომ ბრაკონიერებისთვის არ შეეტყობინებინათ ჩვენი ოპერაციის შესახებ.
ივანიშვილის დროს რაც ხდება, კი ხედავთ ყველა. მისი მთავარი დასაყრდენია ეს პოლიცია ბინძურ საცვლებში მქექავ სუსთან ერთად.
ხოდა, დასაშლელია ეგ სისტემა თავიდან ბოლომდე და ახლიდან ასაწყობი. სანამ ამას არ ვიზამთ, კიდევ ბევრი მსგავსი შემთხვევის მომსწრე ვიქნებით.”
კომენტარები