“როცა ამბობ, რომ ვირუსი დაამარცხე, მერე როგორ დაგვარწმუნებ რომ 3-4-მა შემთხვევამ დაამძიმა სიტუაცია?”

მედიცინის მეცნიერებათა დოქტორი, ბარენც-ევროარქტიკული საბჭოს შიდსისა და ტუბერკულოზის პროგრამის კოორდინატორი, ზაზა წერეთელი, სოციალურ ქსელში, წერს:

“პანდემიის დროს თითოეულ მესიჯს, მის შინაარსს და მიწოდების გზას, დიდი მნიშვნელობა აქვს. როდესაც თითქმის ყოველდღე აჟღერებ რომ ვირუსი დაამარცხე, როდესაც რამოდენიმე დღის წინ ტელე იმედი ატარებს გამოკითხვას რის მიხედვითაც ირკვევა რომ მოსახლოების 90% მეტი დარწმუნებულია რომ საქართველო მზად არის მეორე ტალღისთვის, როდესაც შენ გამოცდილებას სხვა ქვეყნები სწავლობენ..როგორ შეგიძლია ამის შემდეგ დაარწმუნო შენი მოსახლეობა რომ 3-4 შემთხვევამ დაამძიმა სიტუაცია და რომ მკაცრი ზომების დაცვა აუცილებელია? და თუ მეორე ტალღისთის მზად ვართ, როგორ გინდა ეს ხალხი დააფიქრო ვირუსის მავნეობაზე? დაახლოებით იგივეა რაც ალკოჰოლთან ან კანაფთან მიმართებაში ხდება, როცა მათ დადებით მხარეზე საუბრობ და მერე ცდილობ ზომები გაამკაცრო”