“რატომ არ დაიცვეს ჟურნალისტები იმ პარტიის წევრებმა ვინც ხელი მოაწერა პრაიდის მხარდამჭერ დოკუმენტს?!” – ალექსანდრე პაიკიძე

მწერალი, ალექსანდრე პაიკიძე, სოციალურ ქსელში, წერს:

“უმრავლესობას, ვინც პროტესტი გამოთქვა, სახლიდანაც არ გაუდგამს ფეხი.

უმრავლოსობა სულ ასე იქცევა, დავუშვათ –

მაგრამ, ე.წ. ლიდერები სად იყვნენ?

ის 15 პარტია სად იყო ხელი რომ მოაწერეს იმ დოკუმენტს?

არ მოგეწონებათ, მაგრამ – ტელევიზორთან იყვნენ.

ახლა, რა გამოვიდა – ტიპებმა ფული აკეთეს, გრანტები აიღეს და იმ რუსთაველის პროსპექტზე დღეს ვის დასდევდა გასალახად ის ხალხი?

ვის და კორესპონდენტებს!

ტელე-წამყვანებს და ა.შ. კი არა, კორესპონდენტებს.

აგიხსნით გასხვავებას, თუ არ იცით – კორესპონდენტი, მეტწილად დამწყები ჟურნალისტი ან ოპერატორი, ანაც იდეურად წინ ხაზზე მყოფი სიახლის მაცნე.

რა მოხდა – იმ რუსთველზე, ეს კორესპონდენტები გაიმეტეს!

პრაიდის ორგანიზატორები და ა.შ. ყველა ოფისიდან წინასწარ როგორ გაქრით? იმავე ოფისებში კორესპონდენტები როგორ დატოვეთ?!

რატომ არ დაიცვეს ჟურნალისტები იმ პარტიის წევრებმა ვინც ხელი მოაწერა პრაიდის მხარდამჭერ დოკუმენტს?!

სინამდვილეში – ეს კორესპონდენტები შეუშვეს იმ სექსუალური უმცირესობების ნაცვლად და აცემინეს იქ შეკრებილ ტიპებს!

როცა ლიდერი ხარ, თუ ლიდერი ხარ და იდეისთვის იბრძვი – შენ ილახები და არა სხვები!

პ.ს. რაც შეეხება ხელისუფლებას, უკვე დავწერე – თვითმარველობის არჩევნებს უპრობლემოდ მოიგებს!

პ.ს.ს. ამაში კი ისევ ოპოზიცია დაეხმარა.”