“მიუღებელია” – რას წერს საქართველოს საპატრიარქო რუსეთის პატრიარქს? – წერილი

რუსეთის მართლმადიდებულური ეკლესია აპირებს ქართული სამრევლო დაარსოს პარიზში. აღნიშნულ ფაქტს გამოეხმაურა საქართველოს საპატრიარქო და დასავლეთ ევროპისა და სლავური დიასპორის სამთავარეპისკოპოსოს მმართველს, დუბნინის მიტროპოლიტ იოანეს წერილი გაუგზავნა. საქართველოს მართლმადიდებელი ეკლესიის ოფიციალურ პოზიციაში ხაზგასმულია, რომ რუსეთის სამთავარეპისკოპოსოს იურისდიქციაში მყოფი ქართველი მღველმსახურის გამწესება რუსეთის მიერ დაარსებული „ქართული სამრევლოს“ ხელმძღვანელად მიუღებელია.

“გაცნობებთ, რომ საქართველოს ფარგლებს გარეთ დროებით მყოფ ჩვენს თანამემამულეებზე სულიერ მზრუნველობას ახორციელებს საქართველოს მართლმადიდებელი ეკლესია.”

„გაცნობებთ, რომ ქალაქ პარიზში 2009 წლიდან არსებობს წმინდა თამარ მეფის სახელობის ქართული ეკლესია თავისი სამწყოთი, რომელიც მიტროპოლიტ აბრაამის დაქვემდებარებაშია და რომელსაც წინამძღვრობს საქართველოს ეკლესიის მღვდელმსახური, არქიმანდრიტი ანტონი.“

„არქიმანდრიტ იეროთეოსის ხელმძღვანელობით ქართული სამრევლოს დაარსების სურვილი ჩვენთვის სრულიად მიუღბელია და მივიჩნევთ თქვენთან არასათანადო კომუნიკაციის არქონის შედეგად“ – ნათქვამია საქართველოს საპატრიარქოს საგარეო საქმეთა განყოფილების მიერ რუსეთის ეკლესიისთვის გაგზავნილ ოფიციალურ წერილში.