მთაწმინდის რაიონში, რუსთაველის გამზირის მიმდებარედ მცხოვრები ტასო თოფურია, ტვ პირველთან, იმ პერიოდს იხსენებს, როდესაც საპროტესტო აქციების მასობრივი დარბევები მიმდინარეობდა. იგი ჰყვება, რომ აქციებზე არ დადიოდა.
“დღეც და ღამეც, ფაქტობრივად, ვიყავით გაუსაძლის მდგომარეობაში. ღამეები არ გვეძინა საერთოდ. მოვიდოდნენ, აგვაქოთებდნენ, აგვაყროლებდნენ, აი, როგორც ტარაკნებს, ისე გვიყრიდნენ ბალონებს სახლებში, ეზოებში. ბავშვები რომ მოდიოდნენ და გარბოდნენ, რომ არ გაჩერებულიყვნენ ადგილზე ეზოებში ყრიდნენ [ცრემლსადენი გაზის კაფსულებს] მაგრამ ჩვენ რას გვერჩოდნენ? ეს დასაშვებია?.. ჩვენ ვართ საერთოდ არაფერ შუაში მყოფი ადამიანები, რომლებიც დავზარალდით და არავინ პასუხს არ გვცემს ამაზე. საერთოდ არავის არ უკითხია ეს ხალხი, ცოცხლები ვართ თუ მკვდრები ვართ. ეს არ იყო ცრემლსადენი გაზი, მინდა თქვა, ცრემლსადენი გაზი დაგეწვება და გაივლის, არა, ეს იყო მხუთავი გაზი, როცა გეკეტება ყელი ელემენტარულად და პანიკაში ვარდები. ადამიანს რომ ჩამოახრჩობენ და ფართხალებს, ეგეთ მდგომარეობამდე ვიყავით მისული, იმიტომ რომ ჰაერი არ იყო. ეს არ ვიცი რა იყო, მე ფოტოც მაქვს, ე.წ. ბალონიც ვიპოვე, რა რაოდენობიტ შეიძლება ეს ასუნქთო ადამიანს. 10 დღის განმავლობაში, ყოველ ღამე ამას ვსუნთქავდით” , – განაცხადა ტასო თოფურიამ.
კომენტარები