შინაგან საქმეთა სამინისტროს ყოფილი მაღალჩინოსანთან, ლაშა შერგელაშვილი, ტვ პირველთან ამტკიცებს, რომ “ქართული ოცნების” ხელისუფლებამ ხალხის წინააღმდეგ საშიში ქიმიური ნივთიერება ჯერ კიდევ 2020 წელს გამოიყენა.
ბატონებო, თქვენი დრო დათვლილია! საქმე იმდენად სერიოზულია, რომ ბიძინა გაიქცევა და დანარჩენებს დაგიჭერენ ქიმიური იარაღის გამოყენებისთვის
ვახტანგ [გომელაური], არ გეწყინოს, აღარაფერი გიშველის, ორი გამოსავალია, ან ბიძინა დაგიჭერს ან ჰააგაში მოგიწევს” – ამბობს ყოფილი მაღალჩინოსანი.
იგი ჰყვება, რომ ქიმიური ნივთიერება პირველად 2020 წლის 8 ნოემბერს, ცენტრალურ საარჩევნო კომისიასთან გამოიყენეს და შეცდომით პოლიციის თანამშრომლები მოწამლეს. ლაშა შერგელაშვილი მაშინ შინაგან საქმეთა სამინისტროს განსაკუთრებულ დავალებათა დეპარტამენტის შეირაღების უფროსი იყო.
ლაშა შერგელაშვილის მონაყოლის თანახმად, 5 წლის შემდეგ ირკვევა, რომ იმ დღეს, წყლის ჭავლის სატყორცნი მანქანიდან, არა წყალი, არამედ წყალთან ერთად შეცდომით ქიმიური ნივთიერება გააფრქვიეს. მისივე მტკიცებით, ავტომობილი “ტომა” მოულოდნელად მწყობრიდან გამოვიდა და ჭავლი ავტომატურად ჩაირთო. ლაშა შერგელაშვილის თქმით, ქიმიური ნივთიერების გამოყენების სკანდალი მაშინ “ჩაფარცხეს”.
იგი ამტკიცებს, რომ შსს–ში ორი სახის ქიმიური ნივთიერება ინახებოდა: ერთი – ფხვნილის, მეორე კი სითხის სახით.
მისი თქმით, ისინი რეაქციაში მხოლოდ ერთმანეთთან შერევით მოდიან. შერგელაშვილი ამ ნივთიერებების დასაწყობებაზე პირადად იყო პასუხისმგებელი.
ამასთან, ლაშა შერეგელაშვილი ადასტურებს, რომ სპეცრაზმმა ქიმიური ნივთიერების პირველი პარტია ნამდვილად 2009 წელს მიიღო, თუმცა მაშინ ის ტესტირებით შეამოწმეს და მძიმე ეფექტის გამო მის გამოყენებაზე უარი თქვეს. ყოფილი სპეცრაზმელი ამტკიცებს, რომ ხმარებიდან ამოღებული საშიში ნივთიერება “ოცნების” გდდს-ს მუდმივად წყლის ჭავლის მანქანაში ჰქონდა.
კომენტარები