პროკურატურამ გოგი წულაიას ბრალი წარუდგინა – 138-ე მუხლის პირველი ნაწილით (სექსუალური ხასიათის სხვაგვარი ქმედება, ჩადენილი ძალადობით) რაც სასჯელის სახედ და ზომად 4 წლიდან 6 წლამდე თავისუფლების აღკვეთას ითვალისწინებს.
პროკურატურის მტკიცებით, გოგი წულაიამ ა.დ.-ს სთხოვა თბილისში შეხვედრაზე გამოჰყოლოდა და მოლაპარაკებაში დახმარებოდა. გოგი წულაიას მეგობარმა, რომელთან ერთადაც თბილისში ჩამოვიდნენ და რომელსაც გუშინ ესაუბრა “ალია”, ლევან ჟღენტმა, (სამართალდამცველების მტკიცებით) ბინა იქირავა, გასაღები მისცა და წავიდა.
პროკურატურა:
“გ.წ.-მ, იმ მიზეზით, რომ შეხვედრა მომდევნო დღის დილის საათებში ჰქონდა დაგეგმილი და ვინაიდან ახლოვდებოდა ე.წ. „კომენდანტის საათი“, ა.დ.-ს შესთავაზა ღამით მის მიერ ნაქირავებ ბინაში დარჩენილიყო. რადგან ა.დ.-სთვის ცნობილი იყო, რომ ბინაში ლ.ჟ.-ც უნდა დარჩენილიყო, გ.წ.-ს შეთავაზებას დათანხმდა. ნაქირავებ ბინაში გ.წ.-მ ალკოჰოლური სასმელი დალია, რის შემდეგაც ღამის საათებში ა.დ.-სთან, ამ უკანასკნელის ნების საწინააღმდეგოდ სექსუალური ხასიათის ქმედება განახორციელა. ა.დ.-მ მას წინააღმდეგობა გაუწია და მსგავსი ქმედებების შეწყვეტისკენ მოუწოდებდა. მიუხედავად ამისა, გ.წ.-მ შებოჭა იგი და ძალადობით მისი ნების საწინააღმდეგოდ, ა.დ.-ს მიმართ სექსუალური ხასიათის ქმედება განახორციელა.
მას შემდეგ რაც ა.დ.-მ ფიზიკური წინააღმდეგობა გაუწია და პოლიციის გამოძახებით დაემუქრა, გ.წ.-მ მასზე ძალადობა შეწყვიტა. გ.წ.-ს მიერ განხორციელებული ძალადობის შედეგად, ა.დ.-მ სხეულის სხვადასხვა არეში – ორივე ხელის, კისრის და ზურგის არეში მრავლობითი დაზიანებები მიიღო და ძლიერი ფიზიკური ტკივილი განიცადა”
შეგახსენებთ, ლევან ჟღენტს “ალია” გუშინ ესაუბრა, იგი გვიყვება, როგორ მიაცილა ბინამდე 9-ის ნახევარზე გოგი წულაია, თანმხლებთან ერთად, გვიდასტურებს იმასაც, რომ მათ ბინაში ასვლამდე იყიდეს კონიაკი და გვიყვება” – “პატრული რომ მოვიდა, გოგის ეძინა, პოლიციამ გააღვიძა…”
კომენტარები