ბოტანიკური ბაღის საზოგადოებასთან ურთიერთობის სამსახურის უფროსი, ჟურნალისტი, გია გაბრიჭიძე:
“ის რომ თბილისის ჯანსაღი განვითარება ყველას აწუხებს და უნდა, რომ ქალაქი იყოს ქალაქი, ნორმალური ადამიანებისთვის გასაგებია, მაგრამ ვერანაირად ვერ მივიღებ რაიმე “ჰაზრს” იმ ხალხისგან, ვინც ტაშს უკრავდა პლეხანოვის “განახლებას” სადაც რამდენიმე თვეში “განახლებული” კედელი კი არ ჩამოინგრა, უბრალოდ ჩამოიხა! დიახ, ჩამოიხა.
ვერ მივიღებ ვერანაირ “ჰაზრს” იმ ხალხისგან, ვინც თბილისის განვითარების გეგმა მოსპო და მშენებლობებზე ნებართვები მზესუმზირასავით დაარიგა (ოღონდ ერთი ცალი მზესუმზირა ძაააალიან ძვირი ღირდა).
ვერანაირ “ჰაზრს” ვერ მივიღებ იმათგან, ვინც ტრამვაის ლიანდაგები და ტროლეიბუსების ხაზები ჯართად გაყიდა.
მოკლედ რომ ვთქვა იმ ტიპებს, ვინც დღეს საკრებულოში იჭაჭებოდა, არანაირი უფლება არა აქვთ რაიმე თქვან.
კი ბატონო, ძალიან კარგად მესმის იმ ხალხის, ვინც მაგალითად ვაკეში საცობში დგას, მაგრამ ვერ მივიღებ იმათ წუწუნს, ვინც სადარბაზოდან მარკეტამდე პურის საყიდლად მანქანით მიდის. აქვე ვიტყვი, რომ ავტობუსით ძალიან კომფორტულად და სწრაფად დავდივარ და არც ბარნოვზე “გონკაობა” დამიკლია.
არ მინდა ვიღაც პოლიტიკანების “ჰაზრები” და თავიანთი პიარისთვის ჭინთვა.
სპეციალისტების (ოღონდ ნორმალური სპეციალისტების) დასკვნები და ალტერნატიული გეგმები მოიტათ.
რა არ გეხებათ?
აბა რა ჩემი სიქიმის დეპუტატები ხართ? რამე წესიერი, ჩამოყალიბებული და ცოდნით გამყარებული დასკვნები დადეთ. არ მინდა “კრიტიკულ” დღეში მყოფ მედიაში თქვენი კრიახი.
სპეციისტები მოიყვანეთ.
რა არ გყავთ? ყველა “ჩარეცხეთ” და ვიღაც იდიოტი “ექსპერტებით” “ბლატაობთ”?
არა რა.
ნორმალური და პროფესიონალური კამათი გვაჩვენეთ და ტვ კამერების წინ ცოტა უფრო ჭკვიანი სახეების მისაღებად გრიმი გაიკეთეთ.”
კომენტარები