გამომცემლობა “კალმოსანის” დამფუძნებელი, ხვიჩა ყალაბეგაშვილი:
აქ, ფეისბუქზე შემხვდა ახალგაზრდა, მოჭიდავე ბიჭის გასვენების ფოტო… ძალიან წარმატებული, ახალგაზრდა, ყველაფერი რომ წინ ჰქონდა ცხოვრებაში, ადგა და წავიდა…
პრობლემა, რომელზეც სულ მეფიქრება არის უმძიმესი, ძალიან მზარდი და არავინ, თითქმის არავინ არ საუბრობს ამ სავალალო მდგომარეობაზე…ქვეყანა სავსეა მენტალური და ფსიქოლოგიური პრობლემებით გატანჯული ადამიანებით… ეს ურთულესი და ძალიან საშიში ავადმყოფობა, ან არასერიოზულად არის აღქმული, ან ოჯახის წევრების, ახლობლების მიერ არის სტიგმად გაფორმებული…ერთი, რომ ადამიანები იტანჯებიან ამ საშინელი მდგომარეობით და მეორე, ბევრი ვერ აკონტროლებს ემოციას და ეწირება ადამიანთა სიცოცხლე… ან სხვას კლავს, ან თავდაცვის მომენტში მას კლავენ… ბოლო პერიოდში იმდენი შემთხვევაა ჩემს სანაცნობოში, უახლოეს ხალხში, ვინც დაჭრა, დაჭრეს, ესროლეს, მოკლეს… ფსიქოლოგიური პრობლემების მქონე ადამიანები, ყოველდღიურად ხდებიან მკვლელები, ან მათ კლავენ, თავდაცვის მომენტში…საერთოდ არ არსებობს, სახელმწიფო პროგრამები…არათუ რეაბილიტაცია, ფსიქოლოგთან/ფსიქიატრთან ვიზიტიც კი ხელმიუწვდომელია ბევრისთვის… 150-200 ლარი ღირს ერთი ვიზიტი…მყავს დაწესებულება გამოვლილი მეგობრები და მომინახულებია არაერთხელ, ვიცი რასაც ვამბობ – ფსიქიატრიული დაწესებულებები არის ჯოჯოხეთი, საშიში და სტრესული სივრცე, მოძალადე და არაპროფესიონალი კადრებით…შედარებით უკეთესი დაწესებულებები, არის ფასიანი და ძალიან ძვირი…ამ ძალიან სავალალო და საშიშ ამბავზე, რომელიც მზარდია, საშიშია და იღებს ბრუტალურ ფორმას, გადაჭრის კი არა გზების მონახვის დონეზეც არავინ საუბრობს, არც ხელისუფლება, არც პოლიტიკური სპექტრი, არც საზოგადოება…ქვეყანა სავსეა მენტალური და ფსიქოლოგიური პრობლემების მქონე ადამიანებით, მათი ჯოჯოხეთური ყოველდღიურობით… ქვეყანაში დადის, ან სახლშია გამოკეტილი ათასობით ადამიანი, რომელიც თვითმკვლელობაზე, ან სხვის მოკვდინებაზე ფიქრობს…
ამ ხალხს სჭირდება დახმარება… თუ ეს არ იქნა გააზრებული, 3-5 წელიწადში, მივიღებთ კატასტროფილ ვითარებას, რომლის დაბალანსება ძალიან გაჭირდება…
კომენტარები