პრემიერს და მოსახლეობის უმრავლესობას არ სურს საყოველთაო ვაქცინაცია – გამყრელიძე

ამირან გამყრელიძის თქმით, 2022 წლის მიზანი სრული მოსახლეობის 70%-ის კოვიდსაწინააღმდეგო ვაქცინით აცრა იქნება. შეგახსენებთ, ვაქცინაციის ეროვნული გეგმა ვერ შესრულდა.

დაავადებათა კონტროლის ეროვნული ცენტრის დირექტორი ამბობს, რომ ის ემხრობა გარკვეული ჯგუფებისთვის სავალდებულო ვაქცინაციას, თუმცა პრემიერის გარდა ეს მოსახლეობის უმრავლესობასაც არ სურს, რასაც სოციოლოგიური გამოკითხვებიც ცხადჰყოფს.

ამირან გამყრელიძე:

„როცა მიზეზებზე მეკითხებიან, რატომ ვერ გავედით სამიზნე მაჩვენებელზე, პირველი მიზეზი ყოველთვის იყო და არის, რომ მაინც დავაკელით საკომუნიკაციო კამპანია ქვეყანაში. უფრო აქტიური, აგრესიული უნდა ყოფილიყო ეს ყველაფერი. მაშინ, როცა ჩვენ ივლისიდან შევქმენით საკმარისი მარაგი – ივლისიდან მოყოლებული სექტემბრის ბოლომდე 5 მილიონამდე ვაქცინის დოზა უკვე გვქონდა, რომლითაც მოცვა უნდა ყოფილიყო. სამწუხაროდ ჩვენ ვერ გავედით 60%-იან მოცვაზე”

NCDC-ის ინფორმაციით, ამ დროისთვის ზრდასრული მოსახლეობის 40% სრულადაა ვაქცინირებული. 

წყარო – ფორმულა