“გირჩის” ერთ-ერთი ლიდერი იაგო ხვიჩია, უკრაინის მიერ დაწესებულ სანქციებზე საუბრისას, ამბობს:
“ომში ჩათრევის ვერსია სისულელეა. რეალური ვერსია მგონია, რომ არის ის, რაზედაც ვაფრთხილებდით “ქართულ ოცნებას” – მიხეილ სააკაშვილი ციხეში ნიშნავს იმას, რომ ევროინტეგრაციის პროცესში გვექნება პრობლემები. სააკაშვილი ყველაფერს გააკეთებს, რომ თავისუფლებაში იყოს. მისი თანაგუნდელები საქართველოში მაინცდამაინც ეფექტიანად ვერ მუშაობენ, მაგრამ ბევრად უფრო კვალიფიციური თანაგუნდელები ჰყავს უკრაინაში. ისინი უსაქმოდ არ სხედან. თუ ამ პროცესიდან გამოსვლა გვინდა, რასაც ვამბობდით, რომ მიხეილ სააკაშვილი უნდა იყოს გადაყვანილი უცხოეთში, ეს იყო გასაკეთებელი. შეიძლებოდა, რომ უცებ გაჩენილიყო სანქცირებულთა სიაში ისეთი გვარები, ვისზე საჯარო სივრცეში საუბარიც არ ყოფილა? ცხადია, რომ ამაში მიხეილ სააკაშვილის მეგობრების კვალი გამოიკვეთება. განსხვავებით თბილისისგან, ეს ხალხი იქ უსაქმოდ არ იჯდება.”
კომენტარები