მწერალი, ეროვნული ბიბლიოთეკის დირექტორი, გიორგი კეკელიძე:
“რადგანაც ჩემი წინა ნაწერი ბუნდოვანი გამოდგა (რაც გასაკვირი არ უნდა იყოს ახლა) , მოვიკრებ ძალას და დავწერ ხელახლა.
ჩემს ცხოვრებაში წლების წინ (თუმცა წლებს მნიშვნელობა ნაკლებად აქვს), იყო სრულიად მიუღებელი დრო. სრულიად. ამას ვერ ვაცნობიერებდი მაშინ – ოდნავაც, მაგრამ დღეს გეტყვით პირდაპირ და უხეშად – გული მერევა იმ საკუთარ თავზე, იმ ფლირტებზე, რომელსაც შეეძლო ინტერპრეტაციის დაშვება ან გაუცნობიერებელი ზიანის მოტანა. ამას პირველ რიგში ვწერ მათთვის, ვისაც გიორგი კეკელიძე ღმერთივით კაცი ჰგონია და აქ ბევრია ასეთი. მეც ადამიანი ვარ, უამრავი შეცდომით. ძალიან ბევრით. რაც შეეხება უშუალოდ ქალებს, არაერთი მათგანისთვის წლების მერე ბოდიში მომიხდია, სწორედ ამ სიტყვით – ,,გულისრევა”. ზოგისთვის თუ არ – ახლა ვუხდი ბოდიშს. თუმცა ძალადობრივი არაფერი ჩამიდენია. არასდროს. და ამას ვერ და არ დავიბრალებ.
შეიძლება ვინმეს არაგულწრფელად მოეჩვენოს ნებისმიერი რამ რასაც ახლა ვიტყვი – რეპუტაციის შენარჩუნებისთვის ნათქვამი ბოდიში და ა.შ. ეს რეპუტაცია მე ჩემი საქმის საკეთებლად მჭირდებოდა, საქმის რომელიც ძალიან, ძალიან მიყვარს. მაგრამ მზად ვარ ჩემი საქმიანობა შევაჩერო ყველა სფეროში – შევხვდე ყველა ადამიანს, ვისაც სურვილი აქვს, ყველა ორგანიზაციას, ფემინისტურს თუ სხვას – ვინც კომპეტენტურია. მოვუსმინო, ვუპასუხო და გადავწყვიტო.
და კიდევ – მე თავს მსხვერპლად არ მივიჩნევ. ვწერ ამ ყველაფერს, ცხადია, დიდი ტანჯვით და ტკივილით – ვაღიარებ – რადგან არ ვიყავი ჩვეული ამგვარ მდგომარეობას და რომ არ ვიყავი, ესეც ჩემი ნარცისისზმის ბრალია. მსხვერპლი არ ვარ და ამიტომაც, თქვენ, ძალიან, ძალიან გთხოვთ, არ გალანძღოთ არცერთი ქალი, ვინც აქ რამეს დაწერს.”
კომენტარებში წერენ:
“ძალიან ნათელი იყო წინა პოსტიც, უბრალოდ კომენტარები არ მოგეწონათ, ისევ არანაირი გულწრფელობა და ნუთუ ერთი საათის მერეც ვერ არჩევთ ფლირტს შევიწროებისგან?”
“ნუ ჯავრობ, სადაც საზოგადოებამ ბასილაშვილს აპატია ძალადობა, შენც გაპატიებს ფლირტებს, მთავარია, რამე მაგარი მოხდეს, ვთქვათ, ნობელი აიღო”
“ბოტი ჩააშენე, ბოტი,შენ ნაცვლად იმართლოს თავი.”
“ძალიან მტკივნეული იქნება მაგ მორალური ოლიმპოდან ვარდნა, ეჭვი მაქვს რომ ქართული #metoo დააანონსეთ.”
“იმ ფლირტებზე” გული მერევაო? ფლირტზე გული რატომ უნდა აგერიოს ? “
“მე მაინც, ყველაზე მეტად ეს მომწონს – “ვისაც გიორგი კეკელიძე ღმერთივით კაცი ჰგონიათ ”
“ბატონო გიორგი ფლირტით და ბღლარძუნით ქალებს ფსიქოლოგიურ თუ ფიზიკურ(შესაძლო) ტკივილს ვერ მიაყენებდით, ამიტომ შეწყვიტეთ ამ იაფფასიანი გზით საკუთარი თავის “გაპრავება”.
წარმოუდგენელ ისტორიებს წერენ ქალები სოციალურ ქსელში, საგანგაშოა ეს ყველაფერი. ყველა ქალსა და არასრულწლოვან გოგოს, რომლებიც კეკელიძის მხრიდან შევიწროვებას მხოლოდ და მხოლოდ სოლიდარობა უნდა გამოვუცხადოთ და გვერდში დავუდგეთ. იცოდეთ რომ მარტო არ ხართ.
თქვენგან ასეთ რამეს ბატონო გიორგი ვერ წარმოვიდგენდი, წლების მანძილზე საჯარო სივრცეში ლექციებს ატარებდით თავისუფლების, თანასწორობის იდეებზე, ევროპულ ფასეულობებზე, ქალთა უფლებების გაძიერებაზე და ბევრ სხვა მნიშვნელოვან თემაზე. და თურმე ამის მიღმა ქალების უფლებებს ლახავდით, როგორც თქვენ აცხადებთ ტკივილს(შესაძლო) აყენებდით. ძალიან ძალიან სამწუხაროა რბილად რომ ვთქვა.”
“ზუსტად იგივეს წერთ რაც წინა პოსტში და იქ ჩემს კომენტარზე ლაიქების რაოდენობა არ მოგწონდათ რომ წაშალეთ? და ახლა ხალხს აჯერებთ რომ მონანიებაში გადავარდით და თან ამბობთ ფლირტი იყოო და ანუ ეს გოგოები დებილებად გამოგყავთ, რომ ფლირტი და შევიწროება ვერ გაურჩევიათ ?”
“აი მტყუანს შე@@@ი რაც ძალადობრივი არაფერი ჩაგიდენია.”
“ყველაზე, ყველაზე, ყველაზე კაი კაცი ხარ, შენ!..არაფერიც არ ვიცი, მაგრამ ამ პოსტმა მიმახვედრა, რომ ადამიანი რა თანამდებობაზეც არუნდა იყოს, მისი გულწრფელობა ყველაზე დიდი სტატუსია…”
“არც ეს პოსტი ვარგა. შემდეგი!”
კომენტარები