“ლუკა ნაცვლიშვილი პოლიტპატიმარია“ – ეს წარწერა დღეს, 2 ივნისს, ბათუმის შოთა რუსთაველის უნივერსიტეტის იმ აუდიტორიის დაფაზე დატოვეს სტუდენტებმა, სადაც მოსამართლე გულიკო კაჟაშვილი ლექციას ატარებს.
ვიდრე კაჟაშვილი აუდიტორიაში ლექციის ჩასატარებლად შევიდოდა, სტუდენტებმა ის “სირცხვილის დერეფანში“ გაატარეს.
სტუდენტების ნაწილმა აუდიტორია დატოვა და ლექციას არ დაესწრო.
ამის შემდეგ, სტუდენტებთან უნივერსიტეტის დაცვის თანამშრომლებიც მივიდნენ და მას რექტორთან გაყოლა სთხოვეს, რათა დაეზუსტებინათ, არჩილ ბერიძე ნამდვილად სტუდენტი იყო თუ არა, თუმცა სტუდენტმა დაცვის თანამშრომლებს უთხრა, რომ თუ სურვილი ჰქონდა, რექტორს შეეძლო თავად მისულიყო მასთან.
არჩილ ბერიძე, რომელიც ბსუ–ს მაგისტრატურის სტუდენტია, ტვ პირველთან ამბობს:
“მოვედით, რათა გულიკო კაჟაშვილისთვის შეგვეხსენებინა, რომ მას არ აქვს მორალური უფლება, ასწავლიდეს სტუდენტებს სამართლას. დაფაზე დავუტოვეთ წარწერა, რომ ლუკა პოლიტპატიმარია, რის შემდეგაც რამდენიმე სტუდენტმა, პროტესტის ნიშნად აუდიტორიაც დატოვა. მოვიდა დაცვა და გვითხრა, რომ არ ვართ ჩვენ ამ უნივერსიტეტის სტუდენტები და უნდა დავტოვოთ ტერიტორია, თუმცა, შემდეგ გაირკვა, რომ ჩვენ სრული უფლება გვქონდა მიგვემართა პროტესტის იმ ფორმებისთვის, რომლებსაც მივმართეთ და კაჟაშვილს მოუწია „სირცხვილის დერეფნის“ გავლა და შერცხვენილი იჯდა ლექციაზე“
მოსამართლე გულიკო კაჟაშვილმა წელს უკვე მეორედ შეუფარდა ლუკა ნაცვლიშვილს 12-დღიანი ადმინისტრაციული პატიმრობა.
კომენტარები