დღეს”ეროვნული თანხმობის საინიციატივო ჯგუფმა’’ და მხარდამჭერებმა გამართეს შეხვედრა ჟურნალისტებთან თემაზე „გადადგეს ირაკლი ღარიბაშვილი და საპარლამენტო პარტიებმა ჩამოაყალიბონ ეროვნული თანხმობის მთავრობა’’
“ჩვენ, ეროვნული თანხმობის საინიციატივო ჯგუფი და ჯგუფის მხარდაჭერები, საქართველოს თითოეული მოქალაქის კეთილდღეობის და უსაფრთხოების უზრუნველსაყოფად, ვფიქრობთ რომ აუცილებელია გადადგეს ირაკლი ღარიბაშვილი და საპარლამენტო პარტიებმა ჩამოაყალიბონ მაღალი ლეგიტიმაციის მქონე ეროვნული თანხმობის მთავრობა.
უკრაინაში რუსეთის მიერ განხორციელებული თავდასხმა (ომი) და საქართველოში შექმნილი პოლარიზებული გარემო საქართველოს თითოეული მოქალაქისთვის ყოველდღიურად გადაულახავი პრობლემა გახდა, რომელსაც უახლოეს მომავალში მნიშვნელოვანი უარყოფითი გავლენა ექნება საქართველოს ეკონომიკაზე და საქართველოს ყველა მოქალაქეზე.
მოვუწოდებთ საქართველოს ყველა მოქალაქეს ხელმოწერით მოითხოვოს საქართველოს მთავრობის გადადგომა და ეროვნული თანხმობის მთავრობის შექმნა.” – განაცხადეს ჯგუფის წევრებმა.ეროვნული თანხმობის საინიციატივო ჯგუფის წევრები არიან: ნინო ბაზიკოშვილი, ავთანდილ დემეტრაშვილი, სოფიო დემეტრაშვილი, გიგი თევზაძე, თენგიზ თევზაძე, გია ჯანდიერი, ზურაბ ჯიბღაშვილი, ნინო ჭაჭია.
კომენტარები