მისი ყველა პარამეტრი არის ძალიან მძიმე – დეკანოიძე სააკაშვილის ჯანმრთელობის შესახებ

ენმ-ს ლიდერი ხატია დეკანოიძე,  მესამე პრეზიდენტის მიხეილ სააკაშვილის ჯანმრთელობის მდგომარეობის შესახებ ამბობს რომ მდგომარეობა მართლაც კრიტიკულია და მის  დამძიმებაზე სრულ პასუხისმგებლობას “ოცნების” ხელისუფლებას აკისრებს:

“მიხეილ სააკაშვილის ჯანმრთელობის მდგომარეობა არის უკიდურესად დამძიმებული და მისი მდგომარეობა იმსახურებს სასწრაფოდ აუცილებელ და გადაუდებელ არამხოლოდ შეფასებას, არამედ ჩარევას. ვესაუბრე თემურ ჯანაშიას, ასევე მქონდა საუბარი იმ ადამიანებთან, ვინც ჩართულია მისი ჯანმრთელობის მდგომარეობის შეფასებაში და მინდა მოგახსენოთ, რომ რეალურად, მისი ყველა პარამეტრი, რომელიც უნდა იყოს მთავარი განმსაზღვრელი ადამიანის ჯანმრთელობის, არის ძალიან მძიმე და ეს უპირველეს ყოფილსა არის ხელისუფლების პასუხისმგებლობა”