მაშინ, როცა ირაკლი კობახიძე დაბეჯითებით ამტკიცებს, რომ მიხეილ სააკაშვილი სიმულიანტობს და თვითდაზიანებას ეწევა, ქართული ოცნების ერთ–ერთი ლიდერი ამბობს, რომ მისი აზრით, სააკაშვილი კლინიკაში “ალბათ, დაზღვევის მიზნითაა” გადაყვანილი.
მამუკა მდინარაძე:
“არაერთხელ ვთქვი და გავიმეორებ, თუ მართლა ვინმე ფიქრობს, გულწრფელად და არა პოლიტიკური ინტერესის გამო მიხეილ სააკაშვილის ჯანმრთელობაზე, რომელიც არის დღეს პატიმრობაში და გადაყვანილია სამედიცინო დაწესებულებაში, მე ვფიქრობ, შეიძლება ასე არ იყოს, დაზღვევის მიზნით, რომ მართლა რაღაცა თავის თავს არ მოსწიოს ამ კაცმა, რაღაც კვებასთან დაკავშირებით პრობლემები, თუ სხვა რაღაცეების გამო, არ ვიცი ეს დეტალები ნამდვილად. უნდა დაუჯეროს მან საკუთარ ექიმებს, ვინც მკურნალობს, ვინც ამისათვის სპეციალურად არის გამოყოფილი ალბათ, შესაბამის სამედიცინო დაწესებულებაში თუ პენიტენციარულ დაწესებულებაში. თუკი ვინმე მის ჯანმრთელობაზე მართლა ზრუნავს მას უნდა მოუწოდონ დაიცვას ექიმის რეკომენდაციები და პრობლემა არ ექნება, დანარჩენი ყველაფერი არის ხელოვნურად შექმნილი პრობლემა. ევროპაში გადაყვანა კი არა საქართველოში თუ დაუჯერებს, იქნება ყველაფერი კარგად”
არც კობახიძე ამბობს, რა ინფორმაციაზე დაყრდნობით საუბრობს და არც მდინარაძე განმარტავს, რა მონაცემებით გამოაქვს ვარაუდები. როგორც ვიცით, არც ერთია ექიმი და არც მეორე, ორივენი “ბედკრული ქართული პოლიტიკის შვილები არიან”.
კომენტარები