პოლიტიკოსი, ნინო ბურჯანაძე, “მთავარ არხთან” ამბობს”
“ბიძინა ივანივილი ძალიან შეშინებულია, მსოფლიოში მიდის ახლა ოლიგარქების წინააღმდეგ ბრძოლა, მით უმეტეს ვინც დაკავშირებულია რუსეთთან და ივანიშვილი რუსი ოლიგარქი რომ არის, ორი აზრი არ არსებობს, მას ახლა აწუხებს არა უკრაინა, საქართველო და საქართველოს პერსპექტივა… მეცინება ივანიშვილი ოდესღაც ვიღაცამ პროდასავლურ ლიდერად რომ ჩათვალა. მას ახლა აწუხებს ის რომ მისი აქტივები შეიძლება გაიყინოს და გასაქცევი არსად ექნება. მოგწონს, არ მოგწონს ერთია, მაგრამ უჭკუაო ვერ იტყვი, ისე ატრიალა ქართული პოლიტიკა, როგორც უნდოდა, მაგრამ რეალურად ის დიდი საფრთხის მატარებელია ჩვენი ქვეყნისთვის, ის მძიმე მდგომარეობაში აღმოჩნდება, მას უბრალოდ გასაქცევი არ ექნება, ის ახლა ფიქრობს თავი თავზე, თავის ოჯახზე და თავის აქტივებზე, ამიტომ საქართველო ახლა მრავალმხრივი საფრთხის წინაშე დგას, პირდაპირ შემიძლია გითხრათ. ივანიშვილი უჭკუო არ არის, მაგრამ ერთია ბიზნესში და მამაძაღლობაში ჭკუა და მეორეა – პოლიტიკური ჭკუა. მაგალითად, პოლიტიკური ჭკუა დავინახეთ აზერბაიჯანის შემთხვევაში. კაცი იყო მოსკოვში, როდესაც ლუგანსკის და დონეცკის აღიარება მოხდა, ჩამობრუნდა ბაქოში და იმდენად ჭკვიანურად იმოქმედა, რომ მადლობა გადაუხადეს.
ჩვენმა ხელისუფლებამ კი იმდენად უტვინოდ, ნაჯახით იმოქმედა, ჭკუიდან გადაიყვანა უკრაინელი მეგობრები. უკრაინელკებს აქვთ უფლება ქართველებს განსაკუთრებული დახმარება მოსთხოვოს, 90-იან წლებში, როდესაც მართლა მარტონი ვიყავით, პირველ რიგში აფხაზეთის ომში გვერდში დაგვიდგნენ უკრაინელები, უკრაინელი პილოტები დაიღუპნენ…
ახლა არის დანის წვერზე გასავლელი და მესმის, ხელისუფლება უნდა იყოს ფრთხილი, ფრთხილი ერთია და კურდღელი და ჩირგვებში შემძვრალი…
მოხალისეებს მთავრობები კი არ აგზავნიან, თვითონ მიდიან, ჯარის ნაწილების გაგზავნა გამორიცხულია და ამას არავინ მოგთხოვდა, მაგრამ მოხალისე თუ მიდის, ეს არის სახელმწიფოს მიერ მეორე სახელმწიფოსთვის ომის გამოცხადება. მაგრამ არიან უგუნურები, შეშინებულები, რომ ივანიშვილის და შესაბამისად მათ ფულს არაფერი დაემართოს. ეს პრორუსულზე უარესია, ეს მონური პოზიციაა და მონას არავინ პატივს არ სცემს.”
კომენტარები