“გვინდა რევანში… მაქვს გამოცდილება ესპანეთთან თამაშის და ვეცდები, ვერ გაიტანონ გოლი” – მამარდაშვილი

საქართველოს ეროვნული ნაკრების მეკარე გიორგი მამარდაშვილი ესპანეთის ეროვნულ ნაკრებთან შეხვედრამდე ორი დღით ადრე, ამბობს:

მაქვს გამოცდილება მათთან თამაშის და ვეცდები, რომ კარგად ვითამაშო და ვერ გაიტანონ გოლი.

ჩვენ მებრძოლი სულის მატარებელი ხალხი ვართ და სულ ყოველთვის ვიბრძოლებთ სანამ ერთი პროცენტი მაინც იქნება დარჩენილი იმის, რომ გავიდეთ, ყოველთვის ვიბრძოლებთ და იმის გამო, რომ გავიმარჯვოთ.

განწყობაზე ლაპარაკი ზედმეტია ალბათ, იმიტომ, რომ რთულ მეტოქეს ვეთამაშებით და რა თქმა უნდა, კონცენტრაციაც და მოტივაციაც მაღალ დონეზე გვაქვს თითოეულ ფეხბურთელს, ვემზადებით 100 პროცენტით და რთული თამაში იქნება, რა თქმა უნდა, ვიცით. ესპანეთი ერთ-ერთი ფავორიტია და ყველაფერს გავაკეთებთ იმისთვის, რომ კიდევ ერთხელ ერთი სასწაული მოვახდინოთ.
რა თქმა უნდა, გვინდა რევანშის აღება, მაგრამ ეს ყველაფერი უნდა გავაკეთოთ დაწყნარებულად და დამშვიდებულად, მეტი კონცენტრაციით და ყველაფერი შეიძლება მოხდეს ამ თამაშზე.