უცხოური მედიის ცნობით, გაზპრომბანკის ყოფილი ვიცე-პრეზიდენტი, მისი მეუღლე და შვილი მოსკოვში გარდაცვლილები იპოვეს – 51 წლის ვლადისლავ ავაევის, მისი მეუღლისა და ქალიშვილის ცხედარი მოსკოვში, უნივერსიტეტის გამზირზე მდებარე ბინაში გარდაცვლილები ნახეს.
გამოძიების წინასწარი ვერსიით, ავაევმა ჯერ ცოლ- შვილი მოკლა, შემდეგ კი თავი მოიკლა. მის ცხედარს ცეცხლსასროლი იარაღით მიყენებული ჭრილობა აღენიშნებოდა.
არსებული ინფორმაციით, პოლიციას ოჯახის ახლობლებმა მას შემდეგ მიმართეს, რაც მათთან დაკავშირება ვერ შეძლეს. ადგილზე მისულ სამართალდამცველებს კი კარი შიგნიდან დახვდათ ჩაკეტილი. გამომძიებლებს ბინაში სხვა პირის კვალი არ აღმოუჩენიათ, შესაბამისად ვარაუდობენ, რომ მკვლელობის მიზეზი ოჯახური კონფლიქტი გახდა.
მომხდარზე რუსეთის საგამოძიებო კომიტეტმა სისხლის სამართლის საქმე აღძრა.
კომენტარები