“გატყუებდით ხალხო, ბოდიში, ადიელა ამოიკეცეთ ხოლმე, არ გაცივდეთ…”

მწერალი, ალექსანდრე პაიკიძე, სოციალურ ქსელში, წერს:

“პაატა ვარდანაშვილის ფოტო.

კარგი კადრი დაიჭირა. რა ხალხიც ვართ ის ხელისუფალი გვყავს, ესაა დღევანდელი აქციის გამოძახილი.

გატყუებდით ხალხო, არაფერი თქვენ არ გიჭირთ, ყველაფერი კარგად გაქვთ. ხვალ კიდევ უკეთესად იქნებით და ზეგ იმაზე უკეთესად.

ზედმეტია თქვენთან თავისუფლებაზე ლაპარაკი, ადამიანის ფუნდამენტურ უფლებებზე ქადაგი. თქვენ ისედაც კარგად ხართ, მაშინაც როცა იცით რომ გატყუებენ, მაგრამ თუ იტყვით რომ გატყუებენ, პურის ყუას დაკარგავთ.

ბოდიში უნდა გითხრათ, არაფერი არ ხდება, ზუსტად ისე ხართ რასაც და რამდენსაც ითხოვთ.

ცდებოდა ქვეყნის პირველი პრეზიდენტი, ადრე კი არ იყო თავისუფლება, საერთოდ არ გჭირდებოდათ ის და უფრო მეტიც – არც იცით რა არის და რა თავში იხალოთ!

წავედი მე სოფელში, ერთი თვეა ჭერახდილი სახლი მაქვს მიტოვებული.

ორპირში არ აღმოჩნდეთ და ადიელა ამოიკეცეთ ხოლმე, არ გაცივდეთ.”