“გაბედეთ… გაბედონ და გამაზიარებინონ წვერავას ბედი, შსს, ისედაც ხართ ქართველ ტერორისტთა მფარველები…” – რა სქრინს აქვეყნებს ტაბლიაშვილი?

ჟურნალისტი, ირაკლი ტაბლიაშვილი, აქვეყნებს სქრინს და წერს:

“იმედია, ხვდებით, რომ მანჩო გიორგობიანის Mancho Giorgobiani გაფრთხილებადწოდებული მუქარა არაა და არც შეიძლება იყოს ჩემი ღელვის საფუძველი. საერთოდაც, არ მაინტერესებს, რას დაწერს თუ მომწერს მანჩო გიორგობიანი ან ვინმე სხვა – მასზე სერიოზული ან მასზე არასერიოზული პირი.

ამდენად, ამ ლოგიკას თუ გავყვები, არც ამ პოსტს უნდა კითხულობდეთ…

მაგრამ…

ჯერ ერთი, მანჩო გიორგობიანი, რამდენადაც მისი კედლიდან ჩანს, “ქართული ოცნების” მომხრეა და ეს მმართველი პარტიაც დაინტერესებულია, ჰყავდეს ამგვარი მომხრეები და მეორე – უფრო მთავარი – აგრესიულ ტიპებს ამ ქვეყანაში რა დალევს და, ამ მუქარით გულმიცემულ ტიპებს, მით უფრო.

მე შემიძლია, გავიმეორო ის, რაც ქ-ნ გიორგობიანს მივწერე და რაც ჩანს კიდეც ქვემომდებარე სქრინში… ანუ, ვთქვა – გაბედონ – მეთქი.

მართლაც, გაბედეთ ან, აბა, გაბედონ და გამაზიარებინონ წვერავას ბედი.

მაგრამ, ამის გარდა, მე დავწერ შემდეგს:

რატი წვერავა Rati Tsverava არის ამომავალი ვარსკვლავი ქართული ჟურნალისტიკისა.

და კიდევ დავწერ – აქ, ამ ქვეყანაში, ტერორიზმი არ გავა.

და კიდევ დავწერ შემდეგს – შსს შინაგან საქმეთა სამინისტრო / Ministry of Internal Affairs of Georgia – არც დაინტერესდეთ მოქალაქე გიორგობიანის მუქარით… მე არ ვარ დაინტერესებული, მისი ან დაბარებით, ან გამოკითხვით… მე ოფიციალურ საჩივარსაა თუ წერილსაც, ცხადია, არ დავწერ.

თქვენ – შსს, ისედაც ხართ ქართველ ტერორისტთა მფარველები და თქვენთან თანამშრომლობის აზრს ვერ ვხედავ.

ეს კი სქრინი.”