“ეჭვი გვაქვს, რომ ნიკა გვარამიას სასჯელი პოლიტიკურია, ამის მოთმენა კი არ შეიძლება – გერმანელი დეპუტატი

გერმანიის ბუნდესტაგის წევრი, გუნტერ კრიხბაუმი “მთავარ არხთან” გადაცემა “დღის სტუმარში” მთავარი არხის გენერალური დირექტორის, ნიკა გვარამიას პოლიტიკურ განაჩენზე საუბრისას, ამბობს:

“ბატონ გვარამიას სასჯელი მიესაჯა და ჩვენ გვაქვს ეჭვი, რომ ეს მოხდა პოლიტიკური გავლენებით, ამის მოთმენა კი არ შეიძლება. მე ვფიქრობ, რომ საქართველოს ხელისუფლებამ და ყველამ, ვინც პასუხისმგებელია პოლიტიკურ სცენაზე უნდა გაითვალისწინოს ეს, რადგან საქმე ეხება არა მხოლოდ სასამართლოს დამოუკიდებლობას, არამედ იმასაც, რომ საქართველო ევროკავშირის კანდიდატი სტატუსის მიღებას ცდილობს. არსებობს 12 რეკომენდაცია, რომელიც საქართველომ უნდა შეასრულოს და ამ რეკომენდაციებში მეშვიდე არის ის, რომ უნდა იქნას გარანტირებული პრესის თავისუფლება, აზრის თავისუფლება. პრესის თავისუფლების გარეშე არ იქნება აზრის თავისუფლება და აზრის თავისუფლების გარეშე არ იქნება დემოკრატია.”