სასამართლოში ე.წ. ფულის გათეთრების საქმეზე “ლელოს”ერთ-ერთი ლიდერის, ბადრი ჯაფარიძის დაკითხვა დასრულდა.
ბადრი ჯაფარიძე წაყენებულ ბრალს არ აღიარებს და აცხადებს, რომ საქმე პოლიტიკურია.
ჯაფარიძემ პროკურორ არჩილ ტყეშელაშვილს მიმართა:
“სამწუხაროდ კითხვის დასმის უფლება არ მაქვს, მინდა გკითხოთ სად ნახეთ უკანონო შემოსავალი და როგორ „გავათეთრეთ“? მიპასუხეთ სად არის აქ შემოსავალი, ეკონომიკური ფაკულტეტი რომ დაამთავრეთ შემოსავალი როგორ განგიმარტეს იქ? რა გასწავლეს, შემოსავალი და ქონება რა არისო რა გითხრეს? ვინ იყო თქვენი ლექტორი, იმას მაინც მოვკითხავ პასუხს.”
ცნობისთვის, მამუკა ხაზარაძეს, ბადრი ჯაფარიძესა და ავთანდილ წერეთელს ბრალი 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე წაუყენეს, რასაც თან ახლდა განსაკუთრებით დიდი ოდენობით შემოსავლის მიღება. (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით). რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.
კომენტარები