პარტია საქართველოსთვის პოლიტ. საბჭოს წევრი, ნათია მეზვრიშვილი:
“ყველაზე მძიმე, რაც შეიძლება ქვეყანას ოცნებისთვის სასურველი, მისდამი ლოიალური სახალხო დამცველის არჩევით დაემართოს, არის ადამიანის უფლებების დარღვევის ფაქტებზე (რაც ადამიანის უფლებების დაცვის იდეით მოსული ოცნებისთვის უკვე წესად იქცა) დახუჭული თვალები და იმ მომდევნო არჩევნების შედეგების ოცნების სასარგებლოდ შეფასება, რასაც კრიტიკული მნიშვნელობა აქვს დემოკრატიის და ქვეყნის ევროპული მომავლის გადარჩენისთვის.
მინიმუმ ამ ორი საკითხის მნიშვნელობა ვისაც ესმის, იმასაც მიხვდება, რომ ოცნება სახალხო დამცველის ინსტიტუტს არ დათმობს და თუ სასწაული მოხდა და დამოუკიდებელი სახალხო დამცველი მივიღეთ, ყველანაირად ეცდება მის დისკრედიტაციას.
ოცნება ეტაპობრივად იქვემდებარებს ყველა დამოუკიდებელ ინსტიტუტს, ახშობს ყველა ხმას, რომელსაც გადამწყვეტი მნიშვნელობა აქვს იმისთვის, რომ ქვეყანაში დემოკრატია და თავისუფლება ბჟუტავდეს მაინც.
სახალხო დამცველის ინსტიტუტი ბოლო ასეთი ინსტიტუტია. დიახ, მძიმედ ჟღერს ხომ? ბოლოა.
ამიტომ, ვინც ამ საკითხზე რაიმე კომპრომისს დაუშვებს და ოცნებას ხელს შეუწყობს მისი გეგმების სისრულეში მოყვანაში, მასაც მოუწევს პასუხისგება დემოკრატიის უკუსვლაში შეტანილი წვლილისთვის.”
კომენტარები