სამოქალაქო აქტივისტები და ნაციონალური მოძრაობის ახალგაზრდული ფრთა, ტელეკომპანია იმედთან დახვა ქართული ოცნების ერთ-ერთ ლიდერს, მამუკა მდინარაძეს, რათა მისგან მოესმინათ პასუხი კითხვაზე – რუსეთის რა წინსვლა დაინახა უკრაინაში და რატომ აკეთებს ქართული ოცნება პრორუსულ განცხადებებს, თუმცა, ადგილზე მცირე დაპირისპირებას ჰქონდა ადგილი, მობილიზებული იყო პოლიციაც.
აქციის ერთ-ერთი მონაწილე, სამოქალაქო აქტივისტი, ნიკა ნარსია, “ტვ პირველთან” ამბობს:
-წინაპირობა იყო დღევანდელი განცხადებები, ზელენსკი ხვდება მსოფლიო ლიდერებს და ესენი იძახიან, რუსეთი წინ მიიწევსო, ამიტომ მივედით იქ – ჩვენ არ შევეგუებით რუსულ რეჟიმს საქართველოში. ეს არ უნდა მოვითმინოთ ქართველმა ხალხმა, ყველგან დავხვდებით მდინარაძეებს კობახიძეებს. გვაგინეს და ვაგინეთ კიდევაც. ახლა არ იქნება მორიდების დრო. ჩვენ არ ვართ დესტრუქციულები, მშვიდობიანად მივედით და როგორც პარლამენტარს დავხვდით და მოგვიქსიეს ტიტუშკები, ნასვამი ადამიანები, პოლიცია მოვარდა ენაამოვარდნილი. ასე მივადგებით და ვიქნებით ძალიან ბევრნი. დაპოსტილი ქონდათ ქართული ოცნების გვერდზე, რომ მდინარაძე იქნებოდა “იმედის” ეთერში, რესტორნებში იქნებიან, თუ კაფრებშიო, ვერსად გაივლიან, ესენი ემსახურებიან რუსეთს, დღეს თუ ეს ჩავყალპეთ, გადაგვყლაპავენ მთლიანად. ასე უნდა შევაწუხოთ, ოღონდ, პროტესტი იქნება კანონის ფარგლებში. საქართველო, ახლა არის გაბრაზების და ბრძოლის დრო. 20-შია აქცია და უნდა მოვემზადოთ. ზეგ ჩავდივართ შეკვეთილში, ბიძინა ივანიშვილის სახლთან. ყველგან მივაკითხავთ. დღეს იმისტი, ამისტი, დამთავრდა, ხალხო, ჩვენ ვებრძვით რუსეთს.”
“რუსეთი გაცილებით წინ არის წაწეული უკრაინაში” – მამუკა მდინარაძე
კომენტარები