“დამნაშავე თავისუფალია. მე კი ტრავმირებული დავდივარ – თავზე ძვლის გარეშე, ტკივილით, შიშით და უპასუხოდ” – ალექსი თირქია

დამნაშავე დღემდე თავისუფალია.

მე კი ტრავმირებული დავდივარ — თავზე ძვლის გარეშე, ტკივილით, შიშით და უპასუხოდ.

დღემდე არცერთი უწყება არ შემხებია, არცერთი ხმა ხელისუფლებიდან, არცერთი დახმარება სახელმწიფოსგან.

სადაა კომპენსაცია, როცა ადამიანი ასეთ დღეშია მიყვანილი?

სადაა ზრუნვა, როცა მოქალაქეს სიცოცხლე დაუნგრიეს?

რატომ არავინ სვამს კითხვას — რატომ არ დაისაჯა დამნაშავე?

რატომ მე უნდა ვატარებდე შედეგებს, როცა სხვები პასუხისმგებლობას არ გრძნობენ?

3 დეკემბერს, გამთენიისას, თბილისში საპროტესტო აქციის დაშლისას 21 წლის ალექსის, სავარაუდოდ, ე.წ. გაზის კაფსული გაარტყეს, იგი 19 დეკემბერს გაწერეს კლინიკიდან. მას სკალპის ღია ჭრილობა, შუბლის ძვლის და თვალბუდის და ზედა კიდის კედლის მოტეხილობა და შუბლის წილის კონტუზიური დაზიანება აღენიშნებოდა.

“არ მსურდა ამ ფოტოების გამოქვეყნება, მაგრამ იძულებული გავხდი!” – ალექსი თირქია