“პატრიოტთა ალიანსის” ლიდერი, ირმა ინაშვილი:
“პარლამენტი იხილავს ცვლილებას, რომელიც ეწინააღდეგება ვენეციის კომისიის რეკომენდაციას და გულისხმობს ერთადერთი პარტიის – პატრიოტთა ალიანსის დასჯას.
ცვლილების თანახმად, ჩვენ წაგვართმევენ წევრს საარჩევნო კომისიებში. ერთი პარტიის წინააღმდეგ პარლამენტი მიდის ღია უკანონობასა და უსამართლობაზე.
აი, ამიტომაცაა ეს პარლამენტი დასაშლელი.
ცხადია, ამ სრულიად ნათელ დისკრიმინაციაზე არც ერთი ელჩი არ ამოიღებს ხმას. ჩვენ გვეხება და იმიტომ!
ყველას ვეუბნები და, პირველ რიგში, “კობახიძის ოცნებას”: ასე მარტივად არ დამთავრდება თქვენთვის ეს ამბავი. დრონი მეფობენ, დრონი…
დამიჯერეთ, ბოროტი ხალხია. შურისმაძიებელი, ბოროტი ხალხი. ძალაუფლების შესანარჩუნებლად საკუთარ დედებს გაყიდიან.
სხვას არც ველოდი, კობახიძის “ქართული ოცნება” არ ითვალისწინებს ვენეციის კომისიის რეკომენდაციას, სადაც მკაფიოდ წერია, რომ დაუშვებელია კომისიის წევრის წართმევა “პატრიოტთა ალიანსისთვის”. არ ითვალისწინებს იმიტომ, რომ აგრძელებს სადამსჯელო ოპერაციას “პატრიოტთა ალიანსის” წინააღმდეგ. სააკაშვილს კი არ ებრძვის, ჩვენ გვებრძვის! ნაცმოძრაობას კი არ უპირისპირდება, ჩვენ დასჯას აგრძელებს! მალე ამ საარჩევნო კანონპროექტს კენჭი ეყრება. წესით, საპარლამენტო ოპოზიცია მსგავს უკანონობას არ უნდა უშვებდეს, მაგრამ უშვებს, თვალს ხუჭავს, ატარებს, თითქოს არაფერი ხდება. ყველა შეკრულია “ქართულ ოცნებასთან”, ყველა თავის თამაშს ეთამაშება ოცნებას, ამიტომაც ვართ იქ, სადაც ვართ.
საარჩევნო კომისიაში წევრი გვეკუთვნის ჩვენ, ჩვენ გადავლახეთ ბარიერი, ჩვენი შრომით და ბრძოლით მოვიპოვეთ წევრი საარჩევნო კომისიაში, ეს ყველას ესმის, მაგრამ ძალა აქვს და გჩაგრავს… ძალა აქვს და გართმევს… ჩვეულებრივი რეკეტია.”
კომენტარები