“ენმ”–ის თავმჯდომარე, ნიკა მელია:
„ომში მყოფი პრეზიდენტ ზელენსკის ეს თუ ის გადაწყვეტილება ვერანაირად ვერ იქნება უსაფუძვლო და ის მხოლოდ და მხოლოდ ეფუძნება კონკრეტულ ინფორმაციას, კონკრეტულ ფაქტებს. როდესაც პრეზიდენტი ზელენსკი მსგავს გადაწყვეტილებას იღებს და მიმართავს საერთაშორისო თანამეგობრობას, რომ კონკრეტული პირები, ადამიანები ვისაც მიტაცებული აქვს საქართველოს სახელმწიფო, ქართული სახელმწიფოს მართვის სადავეები, მოექცნენ მკაცრი სანქციების ქვეშ, შეიძლება თამამად ითქვას, რომ ამ შეთავაზების აღსრულებას წინ ვეღარაფერი ვეღარ დაუდგება.
პრეზიდენტ ზელენსკის მხრიდან ბევრი რეკომენდაცია გვინახავს საერთაშორისო თანამეგობრობის მიმართ და შეთავაზებები არასოდეს დარჩენილა შეთავაზებებად. ის ყოველთვის აღსრულებულა. ასე იქნება ახლაც. რატომ? ვინაიდან პრეზიდენტ ზელენსკიმაც, საქართველოს თითოეულმა მოქალაქემ და მთელმა დემოკრატიულმა საერთაშორისო საზოგადოებამ იცის, რომ ბიძინა ივანიშვილის ხელისუფლება და მისი ოჯახი ბარიერია.
დიახ, დღეს ბიძინა ივანიშვილის ოჯახი არის მდგომარეობაში, როდესაც მათ ქვეყნის მართვის სადავეები მიიტაცეს. პრეზიდენტმა ზელენსკისთვისაც ყველაზე მტკივნეულია და ცნობილია, რომ ბიძინა ივანიშვილის ოჯახი არის ბარიერი დასავლური სანქციებისთვის გვერდის ავლის პროცესში.
სწორედ ამ ყველაფერს ეფუძნება ეს გადაწყვეტილება. სიგნალი არის უკვე მკაფიოზე მკაფიო, რომ ბატონი ივანიშვილი არის არც მეტი და არც ნაკლები მსოფლიოს დემოკრატიული სამყაროს მტრის, პუტინის მოკავშირე. რაც არ უნდა თქვან ივანიშვილის ოჯახის წევრებმა, რომ ისინი არ არიან პუტინის მოკავშირეები, ფაქტები მათ წინააღმდეგ მეტყველებენ.
ამიტომ, პუტინის ყველა მოკავშირე, იქნება ეს ქვეყნის მმართველი თუ სხვადასხვა ბიზნესმენი, ექცევა დასავლური სანქციების ქვეშ და დადგა ის წუთები, როცა ივანიშვილის ოჯახამდეც მოვიდა ეს კონკრეტული გადაწყვეტილება“
კომენტარები