დეპუტატი, რომან გოცირიძე:
“ოლიგარქის შესახებ ქართული ოცნების კანონპროექტითაც კი (ე.წ. უკრაინული ვარიანტი), ბიძინა ივანიშვილი ოლიგარქია. იგი აკმაყოფილებს ოთხიდან არა მხოლოდ სამ, არამედ ოთხივე კრიტერიუმს:
-აქვს 247 მილიონ ლარზე მეტი ქონება,
-აქვს გავლენა მედიასაშუალებაზე (“იმედის” ჰოლდინგი, “ჯი-დი-ესი”) ე.წ. დაკავშირებული პირების მეშვეობით (ირაკლი რუხაძე, ბერა ივანიშვილი),
-აქვს გავლენა პოლიტიკურ პარტიაზე,
-უჭირავს ეკონომიკის რომელიმე სფეროში დომინანტური მდგომარეობა (აკონტროლებს ცემენტის ბიზნესის უდიდეს ნაწილს ირაკლი რუხაძესთან ერთად).
როგორი კანონიც არ უნდა იქნას მიღებული (თუნდაც ოპოზიციის მიერ გაუმჯობესებული ვარიანტი), ქართული ოცნება არ შეიყვანს ბიძინა ივანიშვილს ოლიგარქთა რეესტრში. ესეც დამატებითი არგუმენტი იქნება მისი ოლიგარქობის.
ამ კანონის მიღება არც კონკრეტულ გვარზე უნდა იყოს მიბმული და არც კონკრეტულ დროზე. ეს კანონი სჭირდება ქვეყანას სამომავლოდაც. არ იქნება ეს ხელისუფლება, არც ბიძინა ივანიშვილი იქნება ოლიგარქი, თუმცა ყოველთვის იარსებებს საფრთხე ფულით პოლიტიკური და საზოგადოებრივი მდგომარეობის მოპოვებისა.
ოლიგარქის შესახებ კანონის დღის წესრიგიდან მოხსნა იმ მიზეზით, რომ ხელისუფლებას არ მოსწონს ოპოზიციის ვარიანტი, ხოლო ოპოზიციას ხელისუფლების, იქნება სერიოზული შეცდომა.
ე. წ. უკრაინული ვარიანტის ან მისი გაუმჯობესებული ვერსიის მიღება ახლა თუ არა, მომამავლში მაინც გახდება შესაძლებელი. ახლა კი, ქართული ოცნება შეეცდება უკრაინული მოდელის ოპოზიციის ხელით ჩახსნას ან ამის გაკეთებას ე. წ. განდგომილთა მეშვეობით. ამის უფლება არ უნდა მივცეთ.
რამდენსაც მეტს იძახებს ოპოზიცია, რომ არ მოსწონს უკრაინული ვარიანტი, იმდენად ჩნდება ეჭვი ოპოზიციაში მინიოლიგარქების არსებობის. არა და ეს ასე არ არის-ამ კრიტერიმებით არცერთი ოპოზიციასთან ასოცირებული ბიზნესმენი ოლიგარქთა რეესტრში ვერ ხვდება. ვინმეს შეყვანა თუ უნდათ (თუ გაუვათ), ნებისმიერი კანონით შეიყვანენ. თავად ამ რეესტრში მოხვედრა არ არის დამღა-უწესდება მხოლო დამატებითი მოთხოვნები ფინანსურ გამაჭვირვალობაზე და არ ექნება პარტიების დაფინანსების უფლება.”
კომენტარები