ხელმწიფო უსაფრთხოების სამსახურის უფროსი გრიგოლ ლილუაშვილი სუს-იდან გავრცელებულ ფაილებზე რუსთავი 2-ის ეთერში ისაუბრა და თქვა:
“მე არ მინდა წინ გავუსწრო გამოძიებას და ჩემი ვერსიები შევთავაზო, თუმცა ეს იყო დაგეგმილი პროვოკაცია, რომლის მიზანი ყველამ ვიხილეთ ცოტა ხანში – აჟიტირებული მედია საშუალებები, გადაინაწილეს იქ არსებული შინაარსობრივი მიმართულებები და ამ ტელევიზიებმა პირდაპირი შტურმი მოაწყვეს ჩვენი სამსახურის მისამართით. მიზანი იყო დაპირისპირების ჩამოგდება ჩვენს სამსახურს, სახელმწიფოსა და ეკლესიას შორის, ჩვენს სამსახურსა და დიპლომატებს შორის, თუმცა, საბედნიეროდ, ეს არ გამოუვიდათ, მიზანს ვერ მიაღწიეს..
სუს-ი აწარმოებს ფარულ მიყურადებას კანონიერ საფუძველზე. გინახავთ სადმე სპეცსამსახური ან სამართალდამცავი უწყება, რომლის ხელშიც არის გამოძიება, რომელიც არ აწარმოებს ფარულ მიყურადებას? თუმცა ეს უნდა ხდებოდეს კანონიერ საფუძველზე და იმ წესების დაცვით, რასაც კანონმდებლობა აწესებს”
სახელმწიფო უსაფრთხოების სამსახურიდან ფაილებმა 13 სექტემბერს გაჟონა.
ფაილებში არის პირადი ინფორმაცია სინოდის წევრებზე, პატრიარქის მოსაყდრეზე, მღვდელმთავრებზე, პატრიარქის თანაშემწეებზე, ეპისკოპოსებზე, მონაზვნებსა და მათთან დაკავშირებულ პირებზე, ჟურნალისტებზე, საჯარო პირებზე, დიპლომატებზე.
ჩანაწერები 2013-2021 წლებით თარიღდება და გამოძიების შედეგს უამრავი ადამიანი ელის, მათ შორის დიპლომატები. შეგახსენებთ, რომ ესტონეთის მხარემ, კონკრეტული პასუხი მოითხოვა პრემიერ ღარიბაშვილისგან ამ საქმესთან დაკავშირებით. განსხვავებით სუს-ის უფროსისგან, ისინი არ თვლიან, რომ მათი საელჩოდ თანამშრომლებისთვის ფარული მოსმენის კანონიერი საფუძველი შეიძლება არსებობდეს.
კომენტარები